Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຫາລືການເຮັດທົດລອງຮ່ວມຕົວລະບົບປະກັນສຸຂະພາບ ປກສ ເຂົ້າຮ່ວມກອງທຶນປະກັນສຸຂະພາບ ແຫ່ງຊາດ

        ກົມໃຫຍ່ການເມືອງ ກະຊວງ ປກສ ຮ່ວມກັບ ກະຊວງສາທາລະນະສຸກ ຈັດກອງປະຊຸມປຶກສາຫາລືການເຮັດ ທົດລອງຮ່ວມຕົວລະບົບປະກັນສຸຂະພາບ ປກສ ເຂົ້າຮ່ວມກອງທຶນປະກັນສຸຂະພາບແຫ່ງຊາດ ໃນວັນທີ 21 ກັນຍາ 2018 ຢູ່ທີ່ ກະຊວງ ປກສ ໂດຍການເປັນປະທານຮ່ວມຂອງ ພົຈວ ອາລູ ວາລີຊື ຫົວໜ້າກົມໃຫຍ່ການເມືອງ ປກສ ແລະ ທ່ານ ຄໍາພອນ ພຸດທະວົງ ຮອງລັດຖະມົນຕີກະຊວງສາທາລະນະສຸກ, ພ້ອມດ້ວຍພະນັກງານທີ່ກ່ຽວຂ້ອງທັງສອງ ພາກສ່ວນເຂົ້າຮ່ວມ.

        ພັທ ບຸນລ້ອມ ເມກດາລາ ຮອງຫົວໜ້າກົມນະໂຍບາຍ ກົມໃຫຍ່ການເມືອງ ປກສ ກ່າວວ່າ: ການຈັດກອງປະ ຊຸມໃນຄັ້ງນີ້ ກໍເພື່ອເຮັດທົດລອງການຮວມຕົວ 2 ລະບົບປະກັນສຸຂະພາບເຂົ້າກັນໃຫ້ບັນລຸຕາມນະໂຍບາຍ ຂອງລັດ ຖະບານ ກໍຄືເນື້ອໃນຈິດໃຈຂອງດໍາລັດ ກ່ຽວກັບກອງທຶນປະກັນສຸຂະພາບແຫ່ງຊາດ ເລກທີ 470/ນຍ ແລະ ປັບປຸງໃຫ້ ເປັນມາດຖານດຽວກັນ ທາງດ້ານການບໍລິການປິ່ນປົວ, ດ້ານຜົນປະໂຫຍດ ແລະ ດ້ານກົນໄກການຈ່າຍເງິນໃຫ້ສະຖານ ທີ່ບໍລິການປິ່ນປົວ; ເຊິ່ງການເຮັດທົດລອງໃນຄັ້ງນີ້ ຈະລົງຈັດຕັ້ງຢູ່ທຸກໆເມືອງຂອງ 2 ແຂວງຄື: ແຂວງວຽງຈັນ ແລະ ແຂວງ ເຊກອງ ໂດຍເລີ່ມລົງມືຈັດຕັ້ງປະຕິບັດຕົວຈິງ ແຕ່ວັນທີ 1 ຕຸລາ ຫາ 31 ທັນວາ 2018 ໃຫ້ສໍາເລັດ; ພາຍຫຼັງສໍາ ເລັດໃນການຈັດຕັ້ງປະຕິບັດທັງສອງພາກສ່ວນ ຈະໄດ້ຮ່ວມກັນປະເມີນຜົນ ແລະ ຖອດຖອນບົດຮຽນເພື່ອຂະຫຍາຍໃນ ການຈັດຕັ້ງປະຕິບັດຢູ່ແຂວງຕໍ່ໄປໃນຂອບເຂດທົ່ວປະເທດ.

       ໂອກາດດຽວກັນ, ທັງສອງພາກສ່ວນ ກໍໄດ້ຮ່ວມກັນເຊັນບົດບັນທຶກ ກ່ຽວກັບການ ເຮັດທົດລອງຮ່ວມຕົວລະບົບ ປະກັນສຸຂະພາບ ປກສ ເຂົ້າຮ່ວມກອງທຶນປະກັນສຸຂະພາບ ແຫ່ງຊາດ ຕາງໜ້າເຊັນໂດຍ ພັອ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງ ແລະ ທ່ານ ດຣ ບຸນແຜງ ພູມມະໄລສິດ ຫົວໜ້າຫ້ອງການປະກັນສຸຂະພາບແຫ່ງຊາດ ກະຊວງ ສາທາລະນະສຸກໂດຍຊ່ອງໜ້າ ພົຈວ ອາລູ ວາລີຊື ແລະ ທ່ານ ຄໍາພອນ ພຸດທະວົງ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ