Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກະຊວງ ປກສ ປາຖະກະຖາ2 ວັນປະຫວັດສາດ ແລະ ມອບໃບຢັ້ງຢືນກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານປະຈຳປີ 2017

ກະຊວງ ປກສ ໄດ້ຈັດຕັ້ງປາຖະກະຖາວັນສ້າງຕັ້ງກຳລັງ ປກສ ຄົບຮອບ 57 ປີ (5 ເມສາ 1961 -5 ເມສາ 2018) ແລະ ວັນສ້າງຕັ້ງພັກປະຊາຊົນປະຕິວັດລາວຄົບຮອບ 63 ປີ (22 ມີນາ 1955-22 ມີນາ 2018) ໃນວັນທີ 28 ມີນາ 2018 ເພື່ອໃຫ້ຄະນະພັກ-ຄະນະບັນຊາ, ກົມກອງອ້ອມຂ້າງກະຊວງ ປກສ ໄດ້ຮັບຮູ້ ແລະ ນຳເອົາມູນເຊື້ອ ດັ່ງກ່າວເຂົ້າໃນການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ; ພ້ອມດຽວກັນນັ້ນກໍໄດ້ຈັດພິທີມອບ ໃບຢັ້ງຢືນກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານປະຈຳປີ 2017 ໃຫ້ 130 ໜ່ວຍທີ່ຂຶ້ນກັບບັນດາອົງຄະນະພັກ ແລະ ຮາກຖານພັກກົມກອງອ້ອມຂ້າງອົງຄະນະພັກກະຊວງ ປກສ; ເປັນກຽດເຂົ້າຮ່ວມປາຖະກະຖາ ແລະ ມອບໃບຢັ້ງ ຢືນໂດຍ ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງ ປກສ.

ພົຕ ສິນທະວົງ ໄຊຍະກອນ ກ່າວວ່າ: ວັນທີ 5 ເມສາ ເປັນວັນທີ່ມີຄວາມໝາຍ-ຄວາມສຳຄັນປະຫວັດສາດ ທາງການເມືອງຂອງຊາດ, ຂອງພັກ ແລະ ຂອງກຳລັງປກສປະຊາຊົນ, ກຳລັງປ້ອງກັນຄວາມສະຫງົບເປັນກຳລັງທີ່ໄວ້ເນື້ອ ເຊື່ອໃຈ, ເປັນກຳລັງແກ່ນສານຂອງການປະຕິບັດແນວທາງການປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບ ດ້ານຂອງພັກ, ຮັບປະກັນຄວາມໝັ້ນຄົງຂອງຊາດ, ສະກັດກັ້ນຕ້ານທຸກກົນອຸບາຍທຳລາຍມ້າງເພ, ແບ່ງແຍກ ແລະ ການ ປະຕິບັດໜ້າທີ່ຮັກສາຄວາມເປັນລະບຽບຮຽບຮ້ອຍຂອງສັງຄົມ, ການປ້ອງກັນຜູ້ນຳພັກ-ລັດແຂກພາຍໃນ ແລະ ຕ່າງປະ ເທດ, ກອງປະຊຸມລະດັບຊາດ ແລະ ສາກົນໃຫ້ມີຄວາມປອດໄພ; ການກຳເນີດເກີດຂຶ້ນຂອງກຳລັງປ້ອງກັນ ຄວາມສະຫງົບ ປະຊາຊົນແມ່ນເພື່ອຕອບສະໜອງຄວາມຮຽກຮ້ອງຕ້ອງການ ຂອງພາລະກິດຕໍ່ສູ້ປົດປ່ອຍຊາດ ໃນເມື່ອກ່ອນ ແລະ ພາລະກິດປົກປັກຮັກສາແລະສ້າງສາພັດທະນາປະເທດຊາດໃນປັດຈຸບັນ.

ນອກນັ້ນ, ທ່ານຍັງໄດ້ຍົກໃຫ້ເຫັນເຖິງການກຳເນີດແລະການເຕີບໃຫຍ່ຂະຫຍາຍຕົວຂອງພັກປະຊາຊົນປະຕິວັດລາວ ຕະຫຼອດໄລຍະ 63 ປີຜ່ານມາ, ນັບແຕ່ໄດ້ຮັບການສ້າງຕັ້ງຂຶ້ນໃນວັນທີ  22  ມີນາປີ 1955, ພັກປະຊາຊົນປະຕິວັດ ລາວກໍໄດ້ສືບທອດອຸດົມການຍິ່ງໃຫຍ່ຂອງພັກກອມມູນິດອິນດູຈີນ, ພັກໄດ້ກໍານົດທາດແທ້, ອຸດົມການ ແລະ ແນວທາງ ການເມືອງຂອງຕົນອອກຢ່າງຈະແຈ້ງເພື່ອນໍາພາທົ່ວປວງຊົນລາວຕໍ່ສູ້ກູ້ຊາດຕ້ານຈັກກະພັດ ຕ່າງດ້າວຜູ້ຮຸກຮານຍາດເອົາເອ ກະລາດມາໃຫ້ແກ່ປະເທດຊາດ ແລະ ປະຊາຊົນໄດ້ຢ່າງສົມບູນໃນວັນທີ 2 ທັນວາປີ 1975, ນໍາພາປະຊາຊົນ ປົກປັກຮັກສາ ແລະ ພັດທະນາປະເທດຊາດເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ສັງຄົມສາ ມັກຄີປອງດອງ, ປະຊາທິປະໄຕ, ຍຸຕິທໍາ ແລະ ສີວິໄລ; ເຮັດໃຫ້ອຸດົມການຂອງພັກປະກົດຜົນເປັນຈິງຂຶ້ນຢ່າງເດັ່ນຊັດ ໃນແຕ່ລະໄລຍະ.

ໂອກາດດຽວກັນ, ກະຊວງ ປກສ ກໍໄດ້ຈັດມອບໃບຢັ້ງຢືນກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານປະຈຳປີ 2017 ຈໍານວນ 130 ໜ່ວຍ, ໃນນີ້ໜ່ວຍພັກທີ່ໄດ້ນາມມະຍົດເປັນກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານສູງສຸດ 8 ປີຊ້ອນຕິດຕໍ່ກັນມີ 12 ໜ່ວຍ, 5 ປີຕິດຕໍ່ກັນມີ 14 ໜ່ວຍ ແລະ ຮັບຮອງໃໝ່ມີ 36 ໜ່ວຍ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ