Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ພິທີສະເຫຼີມສະຫຼອງ ວັນສ້າງຕັ້ງກໍາລັງປ້ອງກັນເຄື່ອນທີ່ ຄົບຮອບ 17 ປີ

ກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ໄດ້ຈັດພິທີສະເຫຼີມສະຫຼອງວັນສ້າງຕັ້ງກໍາລັງປ້ອງ ກັນເຄື່ອນທີ່ ຄົບຮອບ 17 ປີ ( 2 ພະຈິກ 2001 - 2 ພະຈິກ 2018 )ໃນວັນທີ 1 ພະຈິກ 2018 ເປັນກຽດເຂົ້າ ຮ່ວມໂດຍ ພົຕ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີ ກະຊວງ ປກສ, ພ້ອມດ້ວຍຄະນະ, ບັນດາຫົວໜ້າ-ຮອງກົມກອງອ້ອມຂ້າງ, ພະນັກງານອາວຸໂສ, ພະນັກງານ-ນັກຮົບ ເຂົ້າຮ່ວມ.

ພົຈວ ຈັນສະແຫວງ ທິບຄູນທອງ ຫົວໜ້າກອງບັນຊາການປ້ອງກັນເຄື່ອນທີ່ ກ່າວໃນພິທີສະຫຼອງເຊິ່ງມີບາງຕອນ ມີ ເນື້ອໃນວ່າ: ກຳລັງປ້ອງກັນເຄື່ອນທີ່ແມ່ນກໍາລັງວິຊາສະເພາະໜຶ່ງຂອງ ກະຊວງປ້ອງກັນຄວາມສະຫງົບໃຕ້ການຊີ້ນໍາ-ບັນ ຊາເດັດຂາດ, ໂດຍກົງ ແລະ ຮອບດ້ານຈາກຄະນະພັກ ກະຊວງປ້ອງກັນຄວາມສະຫງົບ ເຊິ່ງໄດ້ກໍາເນີດ, ເຕີບໃຫຍ່ໃນສະ ພາບເງື່ອນໄຂ ປະເທດຊາດປະຕິບັດສອງໜ້າທີ່ຍຸດທະສາດຂອງພັກຄື: ປົກປັກຮັກສາ ແລະ ສ້າງສາພັດທະນາປະເທດ ຊາດ, ໃນສະໄໝກອງປະຊຸມໃຫຍ່ຄັ້ງທີ VI ຂອງພັກ, ກອງປະຊຸມໃຫຍ່ ຄັ້ງທີ I ຂອງອົງຄະນະພັກກະຊວງພາຍໃນ ເມື່ອກ່ອນ ( ກະຊວງ ປກສ ໃນປັດຈຸບັນ ) ໂດຍການຍຸບກອງພັນ 208 ແລະ 209 ຂອງກອງບັນຊາການປະກອບອາ ວຸດໃນເມື່ອກ່ອນ ( ກອງບັນຊາການປ້ອງກັນທີ່ຕັ້ງໃນປັດຈຸບັນ ) ແລ້ວສ້າງຕັ້ງເປັນກອງພັນ 208 ຂຶ້ນຢ່າງເປັນທາງການ ໃນວັນທີ 2 ພະຈິກ 2001, ການຈັດຕັ້ງປະກອບໃນເວລານັ້ນ ມີ 3 ຫ້ອງ, 4 ກອງຮ້ອຍຂຶ້ນກັບ, ມີຈໍານວນພົນທັງໝົດ 206 ສະຫາຍ ຍິງ 17 ສະຫາຍ.

ອີງຕາມການປະຕິບັດໜ້າທີ່ວຽກງານ ແລະ ການປັບປຸງກໍ່ສ້າງກົມກອງ ໄດ້ເຮັດໃຫ້ກໍາລັງມີຄວາມເຕີບໃຫຍ່, ໜັກ ແໜ້ນ, ເຂັ້ມແຂງຂຶ້ນເປັນກ້າວໆ, ໜ້າທີ່ການເມືອງຂອງກົມກອງກໍນັບມື້ກ້ວາງຂວາງອອກ, ຄະນະພັກ-ຄະນະບັນຊາກົມ ກອງ ຈຶ່ງໄດ້ຄົ້ນຄວ້ານໍາສະເໜີຄະນະນໍາກະຊວງພາຍໃນຕົກລົງຍົກຖານະຈາກກອງພັນ 208 ຂຶ້ນເປັນກອງບັນຊາການ 208 ໃນວັນທີ 2 ກຸມພາ 2003, ຜ່ານການເຄື່ອນໄຫວຈັດຕັ້ງ ປະຕິບັດໜ້າທີ່ວຽກງານຂອງກົມກອງກໍມີຜົນສໍາເລັດ ແລະ ເຕີບໃຫຍ່ຫຼາຍດ້ານ ທຽບໃສ່ເງື່ອນໄຂໃນສະພາບໄລຍະໃໝ່ເຫັນວ່າຊື່ກົມກອງຍັງບໍ່ທັນແທດເໝາະກັບພາລະບົດບາດ ໜ້າທີ່ການເມືອງຂອງກົມກອງ, ສະນັ້ນ ຈຶ່ງໄດ້ຄົ້ນຄວ້າຊື່ກົມກອງ ແລະ ນໍາສະເໜີຕໍ່ຄະນະນໍາກະຊວງ ປກສ ໄດ້ຕົກລົງ ປ່ຽນຊື່ຈາກກອງບັນຊາການ 208 ມາເປັນກອງບັນຊາການປ້ອງກັນເຄື່ອນທີ່ໃນວັນທີ 27 ກຸມພາ 2007 ມາເຖິງປັດຈຸ ບັນ.

ນັບແຕ່ສ້າງຕັ້ງເປັນຕົ້ນມາ ກຳລັງປ້ອງກັນເຄື່ອນທີ່ໄດ້ເຄື່ອນໄຫວຈັດຕັ້ງ ປະຕິບັດຕາມພາລະບົດບາດ ໜ້າທີ່ການ ເມືອງຂອງຕົນໃນໄລຍະ 17 ປີຜ່ານມາ ກອງບັນຊາການສາມາດຍາດໄດ້ຜົນງານ ແລະ ໄຊຊະນະອັນໃຫຍ່ຫຼວງໃນຫຼາຍ ດ້ານເປັນຕົ້ນ: ການປະຈໍາການວິຊາສະເພາະ 24 ຊົ່ວໂມງ, ປ້ອງກັນກອງປະຊຸມ, ງານວາງສະແດງສິນຄ້າງານບຸນຕ່າງໆ ທີ່ພົ້ນເດັ່ນທີ່ສຸດແມ່ນກໍາລັງເຮັດໜ້າທີ່ປ້ອງກັນໂຄງການກໍ່ສ້າງເສັ້ນທາງລົດໄຟລາວ-ຈີນ ຈໍານວນ 30 ຈຸດ ມີ 299 ສະ ຫາຍ, ຈຸດສະຖານີຕໍາຫຼວດທັນສະໄໝ 12 ຈຸດມີ 168 ສະຫາຍ ເຮັດໃຫ້ມີຄວາມສະຫງົບ ແລະ ປອດໄພ; ສະນັ້ນ ພັກ-ລັດຖະບານ ແລະ ປະຊາຊົນບັນດາເຜົ່າໄດ້ຍ້ອງຍໍສັນລະເສີນຢ່າງສົມກຽດ ແລະ ໄດ້ຮັບຫຼຽນໄຊແຮງງານຊັ້ນ I ໜຶ່ງໜ່ວຍ, ຫຼຽນໄຊແຮງງານຊັ້ນ II ໜຶ່ງໜ່ວຍ, ຫຼຽນໄຊແຮງງານຊັ້ນ III ສາມໜ່ວຍ ແລະ ໃບຍ້ອງຍໍຈາກພັກ-ລັດ.

ໃນຊຸມປີຕໍ່ໜ້າ, ເພື່ອສືບຕໍ່ເສີມຂະຫຍາຍມູນເຊື້ອອັນດີງາມ ຂອງກຳລັງປ້ອງກັນເຄື່ອນທີ່ ຍາດມາໄດ້ໃນໄລຍະຜ່ານ ມາຄະນະນໍາກອງບັນຊາການພ້ອມດ້ວຍພະນັກງານ - ນັກຮົບ ຈະສຸມໃສ່ເພີ່ມທະວີການປະຕິບັດຕາມພາລະບົດບາດ ຂອງກອງບັນຊາການ ໃນການປົກປັກຮັກສາຄວາມເປັນລະບຽບຮຽບຮ້ອຍຂອງສັງຄົມ, ເອົາໃຈໃສ່ແກ້ໄຂປະກົດການ ຫຍໍ້ໍທໍ້ໃນສັງຄົມໃຫ້ມີຄວາມຮັບປະກັນ, ສຸມໃສ່ວຽກງານປົກປັກຮັກສາຄວາມສະຫງົບ - ຄວາມເປັນລະບຽບຮຽບຮ້ອຍ ໃນສັງຄົມ, ແກ້ໄຂປະກົດການຫຍໍ້ທໍ້ ແລະ ຄວາມບໍ່ເປັນລະບຽບຮຽບຮ້ອຍໃຫ້ຫຼຸດລົງຢ່າງຈະແຈ້ງ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ