Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ເປີດກອງປະຊຸມສາມັນຄົບຄະນະກຳມະການ ສນຊ ຄັ້ງທີ 3 ສະໄໝທີ X

ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 3 ສະໄໝທີ X ຂຶ້ນໃນລະຫວ່າງວັນທີ 15-16 ມີນາ 2018, ເພື່ອສະຫຼຸບຜົນສໍາເລັດ, ຂໍ້ຄົງຄ້າງ, ຖອດຖອນ ບົດຮຽນ ແລະ ວາງແນວທາງໃນການຈັດຕັ້ງປະຕິບັດໃຫ້ຖືກຕ້ອງ ແລະ ສອງຄອດໃນຕໍ່ໜ້າ, ໂດຍການເປັນປະທານຂອງ ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ)​ ມີບັນດາຮອງປະທານ ສນຊ, ຕ່າງໜ້າອົງການພາຄີ ແລະ ກຳມະການ ສນຊ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

          ທ່ານ ປອ ໄຊສົມພອນ ພົມວິຫານ ກ່າວວ່າ: ກອງປະຊຸມສາມັກຄົບຄະນະກຳມະການສູນກາງແນວລາວ ສ້າງຊາດ ຄັ້ງທີ 3 ສະໄໝທີ X ແມ່ນກອງປະຊຸມທີ່ມີຄວາມໝາຍສໍາຄັນຍິ່ງ ໃນກອງປະຊຸມຈະໄດ້ທົບທວນຄືນ ຜົນສໍາເລັດ, ຂໍ້ຄົງຄ້າງ, ຖອດຖອນເປັນບົດຮຽນໃນການຈັດຕັ້ງປະຕິບັດມະຕິກອງປະຊຸມສາມັນຄົບຄະນະຄັ້ງທີ 2 ສະ ໄໝທີ X  ເພື່ອສືບຕໍ່ວາງແນວທາງໃນການຈັດຕັ້ງປະຕິບັດມະຕິກອງປະຊຸມຄັ້ງນີ້ ໃຫ້ຖືກຕ້ອງ ແລະ ສອງຄອດກວ່າເກົ່າ. ພ້ອມທັງເປັນການສ້າງເງື່ອນໄຂໃຫ້ກຳມະການສູນກາງແນວລາວສ້າງຊາດ ຢູ່ອ້ອມຂ້າງສູນກາງ, ທ້ອງຖິ່ນ, ຢູ່ຕ່າງປະເທດ ກໍຄືຜູ້ຕ່າງໜ້າຂອງກະຊວງ-ອົງການທຽບເທົ່າ ໄດ້ມີໂອກາດພົບປະແລກປ່ຽນບົດຮຽນປະສົບການຕົວຈິງ ໃນການເຄື່ອນ ໄຫວວຽກງານຂອງຕົນທັງນຳເອົາຄວາມມຸ້ງມາດປາດຖະໜາ, ຄວາມຂັດຂ້ອງໝອງໃຈຂອງປະຊາຊົນບັນດາເຜົ່າຢູ່ແຕ່ລະ ທ້ອງຖິ່ນ ເພື່ອສ່ອງແສງຕໍ່ກອງປະຊຸມໃນຄັ້ງນີ້; ທີ່ຈະເປັນການປະກອບສ່ວນສຳຄັນເຂົ້າໃນການປັບປຸງບູລະນະແນວ ທາງນະໂຍບາຍຂອງພັກ ເວົ້າລວມ, ເວົ້າສະເພາະກໍແມ່ນການປັບປຸງເຮັດໃຫ້ແບບແຜນວິທີເຮັດວຽກ, ການກຳນົດທິດ ທາງໃນການເຄື່ອນໄຫວຂອງຄະນະກຳມະການສູນກາງແນວລາວສ້າງຊາດໃຫ້ມີຄຸນນະພາບໃໝ່, ສອດຄ່ອງກັບຄວາມ ຮຽກຮ້ອງຕ້ອງການຂອງໜ້າທີ່ການເມືອງໃນສະພາບ ແລະ ເງື່ອນອັນໃໝ່ ເພື່ອສ້າງຄວາມເຂົ້າໃຈ ທີ່ເປັນເອກະພາບ ໃນການວາງທິດທາງ, ແນວທາງໃນການຈັດຕັ້ງປະຕິບັດບັນດາຄາດໝາຍ, ແຜນງານ ແລະ ໂຄງການທີ່ໄດ້ກຳນົດໄວ້.

          ກອງປະຊຸມຈະໄດ້ຮັບຟັງ 6 ວຽກງານສຳຄັນ ເປັນຕົ້ນແມ່ນຜ່ານຮ່າງບົດສະຫຼຸບຕີລາຄາການເຄື່ອນໄຫວວຽກ ງານຂອງຄະນະກຳມະການສູນກາງແນວລາວສ້າງຊາດ ໃນໜຶ່ງປີຜ່ານມາ ແລະ ທິດທາງການເຄື່ອນໄຫວໃນຕໍ່ໜ້າ, ສະຫຼຸບຕີລາຄາປະເມີນຜົນກ່ຽວກັບວຽກງານສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ, ຮັບ ຟັງການປະກອບຄຳເຫັນຂອງອົງການພາຄີ, ການປະກອບຄຳເຫັນຂອງກະຊວງ-ອົງການຈຳນວນໜຶ່ງ ເປັນຕົ້ນ: ກະຊວງ ໂຍທາທິການ ແລະ ຂົນສົ່ງປະກອບຄຳເຫັນໃນຫົວຂໍ້: ຄວາມຄືບໜ້າໃນການກໍ່ສ້າງທາງລົດໄຟລາວ-ຈີນ, ກະຊວງກະ ສິກຳປ່າໄມ້ປະກອບຄຳເຫັນໃນຫົວຂໍ້ ການພັດທະນາຊົນນະບົດຕິດພັນກັບການແກ້ໄຂຄວາມທຸກຍາກຂອງປະຊາຊົນ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວປະກອບຄຳເຫັນໃນຫົວຂໍ້: ຂະບວນການເປີດປີທ່ອງທ່ຽວລາວ ປີ 2018. ນອກນັ້ນຍັງໄດ້ຮັບຟັງການປະກອບຄຳເຫັນຂອງ ສນຊ ນະຄອນຫຼວງວຽງຈັນ ແລະ ແຂວງຈຳນວນໜຶ່ງ ກ່ຽວກັບວຽກງານຂອງແນວລາວສ້າງຊາດ ໃນໄລຍະໜຶ່ງປີຜ່ານມາ ກຳມະການສູນກາງແນວລາວສ້າງຊາດຈາກປະເທດ ຝຮັ່ງ, ການາດາ ແລະ ອາເມຮິກາ ປະກອບຄຳເຫັນໃນຫົວຂໍ້: ການເຕົ້າໂຮມຄວາມສາມັກຄີຂອງຄົນເຊື້ອຊາດລາວຢູ່ປະ ເທດດັ່ງກ່າວ, ການລາຍງານກ່ຽວກັບຜົນສຳເລັດເບື້ອງຕົ້ນໃນການສ້າງໜັງສືພິມສາມັກຄີພັດທະນາຂອງ ສນຊ ແລະ ການປະກາດແຕ່ງຕັ້ງຄະນະທີ່ປຶກສາວຽກງານເສດຖະກິດ ແລະ ກົດໝາຍ ພ້ອມທັງປະກາດແຕ່ງຕັ້ງທົດແທນກຳມະການ ສນຊ ສະໄໝທີ X ທີ່ວ່າງລົງ.

          ໃນໂອກາດດັ່ງກ່າວ, ທ່ານ ປອ ໄຊສົມພອນ ພົມວິຫານ ໄດ້ຮຽກຮ້ອງໃຫ້ບັນດາຜູ້ແທນກອງປະຊຸມ ຈົ່ງພ້ອມ ກັນຍົກສູງຄວາມຮັບຜິດຊອບ, ສຸມສະຕິປັນຍາ, ຄວາມຮູ້-ຄວາມສາມາດເຂົ້າໃນການຄົ້ນຄວ້າ, ພິຈາລະນາ, ແລກປ່ຽນ ແລະ ປະກອບຄຳຄິດ-ຄຳເຫັນທີ່ສ້າງສັນກົງໄປ-ກົງມາ ແລະ ເຂັ້ມງວດ ເພື່ອໃຫ້ສຳເລັດຕາມຈຸດປະສົງ ແລະ ຄາດໝາຍ ທີ່ໄດ້ວາງໄວ້.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ