Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

   ເນັ້ນກໍາລັງກໍ່ສ້າງຮາກຖານ ປະຈໍາບ້ານໂນນສະຫງ່າ

ສຸມໃສ່ແກ້ໄຂປະກົດການຫຍໍ້ທໍ້ໃຫ້ຫຼຸດລົງ

 

ພັທ ຄໍາເກິ່ງ ຈັນສຸລິມາດ ຫົວໜ້າກອງບັນຊາການ ປກສ ເມືອງ ໄຊເສດຖາ ນະຄອນຫຼວງວຽງຈັນ ໄດ້ໂອ້ລົມຕໍ່ກອງ ປະຊຸມສະຫຼຸບວຽກງານກໍ່ສ້າງຮາກຖານການເມືອງ ບາດກ້າວທີ III ຕິດພັນກັບການຈັດສັນຄວາມບໍ່ເປັນລະບຽບ ຮຽບຮ້ອຍຢູ່ບ້ານໂນນສະຫງ່າ ໃນວັນທີ 16 ຕຸລາ 2018 ໂດຍທ່ານເນັ້ນໃຫ້ພະນັກງານກໍ່ສ້າງຮາກຖານປະຈໍາບ້ານ ຈົ່ງສຸມໃສ່ແກ້ໄຂປະກົດການຫຍໍ້ທໍ້ ແລະ ຄວາມບໍ່ເປັນລະບຽບຮຽບຮ້ອຍພາຍໃນບ້ານໃຫ້ມີທ່າອ່ຽງຫຼຸດລົງ ແລະ ຄ່ອຍໆ ໝົດໄປເທື່ອລະກ້າວ.

ທ່ານຫົວໜ້າກອງບັນຊາການ ປກສ ເມືອງ ກ່າວວ່າ: ໃນຕໍ່ໜ້ານີ້, ບັນດາພະນັກງານກໍ່ສ້າງຮາກຖານການເມືອງ ທີ່ປະຈໍາຢູ່ ບ້ານ ໂນນສະຫງ່າ ຕ້ອງສຸມໃສ່ແກ້ໄຂປະກົດການຫຍໍ້ທໍ້ ແລະ ຄວາມບໍ່ເປັນລະບຽບຮຽບຮ້ອຍພາຍໃນບ້ານ ໂດຍປະຕິບັດ 3 ໜ້າວຽກຕົ້ນຕໍເຊັ່ນ: ເອົາໃຈໃສ່ປະຕິບັດວຽກງານຄຸ້ມຄອງສໍາມະໂນຄົວ ໂດຍກວດກາເກັບກໍາຂໍ້ມູນຂຶ້ນ ສະຖິຕິໃຫ້ລະອຽດຈະແຈ້ງ, ເກັບກໍາໃຫ້ໄດ້ຄົນເພີ່ມ, ຄົນຫຼຸດ, ຄົນພັກເຊົາ; ວຽກງານແກ້ໄຂປະກົດການຫຍໍ້ທໍ້ຕ່າງໆ ຕ້ອງສຸມໃສ້ແກ້ໄຂບັນຫາຢາເສບຕິດ, ຄ້າມະນຸດ, ປຸ້ນຈີ້ຊິງຊັບ, ລັກຊັບ, ອັກຄີໄພ, ແກ້ໄຂຄວາມແອອັດການສັນຈອນ ແລະ ຫຼຸດຜ່ອນການເກີດອຸບັດຕິເຫດ; ວຽກງານ ຄຸ້ມຄອງ ແລະ ແກ້ໄຂຄົນຕ່າງປະເທດຕ້ອງສຸມໃສ່ກວດກາເກັບ ກໍາຂໍ້ມູນຂຶ້ນສະຖິຕິຄົນຕ່າງປະເທດໃຫ້ລະອຽດແລ້ວຈັດແບ່ງປະເພດເປົ້າໝາຍເພື່ອສະດວກໃນການຄຸ້ມຄອງ, ຖ້າພົບ ເຫັນກໍລະນີ້ທີ່ບໍ່ຖືກຕ້ອງຕ້ອງຮີບຮ້ອນແກ້ໄຂ ແລ້ວລາຍງານໃຫ້ກອງບັນຊາການຮັບຮູ້ ເພື່ອມີທິດທາງໃນການຊ່ວຍແກ້ ໄຂ ຖ້າເຮັດໄດ້ເຊື່ອວ່າພາຍໃນ ບ້ານ ໂນນສະຫງ່າ ຈະມີຄວາມສະຫງົບ ແລະ ີຄວາມ ເປັນລະບຽບຮຽບຮ້ອຍດີຂຶ້ນ ກວ່າເກົ່າ.

ທ່ານ ຄໍາພູ ອ້ວນອຸດົມວິໄລ ນາຍບ້ານໆໂນນສະຫງ່າ ກ່າວວ່າ: ຄະນະອໍານາດການປົກຄອງບ້ານ ພ້ອມດ້ວຍພະນັກ ງານປະຈໍາບ້ານ ກໍໄດ້ສົມທົບກັບພະນັກງານກໍ່ສ້າງຮາກຖານປະຕິບັດໜ້າທີ່ໃນຫຼາຍດ້ານສະແດງອອກຄື: ໄດ້ກວດກາ ເກັບກໍາຂໍ້ມູນສະຖິຕິຂອງພົນລະເມືອງ, ເກັບກໍາຄົນເພີ່ມຄົນຫຼຸດໄດ້ເປັນຢ່າງດີ, ກວດກາພົບເຫັນຄົນພັກເຊົາທີ່ໍ່ມີໃບອະ ນຸຍາດ ແລະ ໃບພັກເຊົາໝົດອາຍຸ ໄດ້ 63 ຄົນ ຍິງ 34 ຄົນ, ເຊີນຮ້ານສະນຸກເກີ 2 ຮ້ານ ແລະ ຮ້ານອິນເຕີເນັດ 1 ຮ້ານ ທີ່ຈະເປັນບ່ອນສ່ຽງມົ້ວສຸມຢາເສບຕິດມາສຶກສາອົບຮົມ, ລົງກວດກາຈຸດທີ່ອາດຈະເກີດການກໍ່ອາດຊະຍາກໍາ 2 ຈຸດ, ສຶກສາອົບຮົມຮ້ານທີ່ຈະສ່ຽງຕໍ່ການຄ້າໂສເພນີໄດ້ຫຼາຍຮ້ານ, ຕິດຕັ້ງບັງມອດໄຟຕາມເງື່ອນໄຂທີ່ມີກັບເຈົ້າຂອງເຮືອນ, ກວດກາບັງມອດໄຟໃນົ່ວບ້ານ, ປະສານສົມທົບກັບພາກສ່ວນທີ່ກ່ຽວຂ້ອງກວດກາຄືນບັນ ດາຮ້ານ, ເຮືອນບຸກຄົນແຄມທາງ ທີ່ກໍ່ສ້າງສິ່ງກີດຂວາງການສັນຈອນ ຕາມເສັ້ນທາງຈາກວົງວຽນວັງຊາຍ ຫາຄ້ອຍກົກເຄັງລວມທັງໝົດ 53 ຈຸດ ມ້າງໄດ້ແລ້ວ 35 ຈຸດ; ນອກນີ້, ຍັງໄດ້ເກັບກໍາສະຖິຕິຄົນທີ່ເຄື່ອນໄຫວບໍ່ຖືກຕ້ອງລັກປະກອບອາຊີບ 16 ຄົນ ຍິງ 5 ຄົນ, ຢູ່ເກີນກໍານົດ 1 ຄົນ, ເຮັດວຽກບໍ່ຖືກສະຖານທີ່ອະນຸຍາດ 1 ຄົນ, ດໍາເນີນທຸລະກິດບໍ່ຖືກຕ້ອງ 16 ຮ້ານ ແລະ ວຽກອື່ນໆ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ