Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ລາວ-ມຽນມ້າ ສືບຕໍ່ຮ່ວມມື້ວຽກງານປ້ອງກັນຄວາມສະຫງົບ ປີນີ້ເນັ່ນໜັກ 9 ຂົງເຂດວຽກງານ

ກະຊວງປ້ອງກັນຄວາມສະຫງົບແຫ່ງ ສປປ ລາວ ແລະ ກະຊວງພາຍໃນສສມຽນມາສືບຕໍ່ຮ່ວມ ມືດ້ານວຽກງານ ປ້ອງກັນຄວາມສະຫງົບໂດຍໃນປີ 2018 ນີ້ຈະເນັ້ນໃສ່ການຮ່ວມມືໃນ 9 ຂົງເຂດວຽກງານ.

ບັນດາວຽກງານດັ່ງກ່າວລວມມີ: ການຮ່ວມມືດ້ານການຮັກສາຄວາມສະຫງົບ ແລະ ສະຖຽນລະພາບ ຂອງສອງ ປະເທດ, ການຮ່ວມມືແລກປ່ຽນຂໍ້ມູນຂ່າວສານ,ການສົ່ງເສີມກົນໄກຂອງຫ້ອງການປະສານງານຊາຍແດນ, ການຮ່ວມ ມືສະກັດກັ້ນ ແລະ ຕ້ານຢາເສບຕິດ, ການຕ້ານການຄ້າມະນຸດ, ການຮ່ວມມືສະກັດກັ້ນອາຊະຍາກໍາຂ້າມຊາຍແດນ ໃນຮູບແບບອື່ນໆ, ການຮ່ວມມືຄວບຄຸມການເຂົ້າ-ອອກເມືອງຜິດກົດໝາຍ, ການຮ່ວມມືຄວບຄຸມແຮງງານເຂົ້າເມືອງ ຜິດກົດໝາຍ ແລະ ການແລກປ່ຽນການຮຽນພາສາເຊິ່ງກັນແລະກັນ.

ພິທີລົງນາມບົດບັນທຶກຮ່ວມມືສອງຝ່າຍດັ່ງກ່າວໄດ້ມີຂຶ້ນພາຍຫຼັງສໍາເລັດກອງປະຊຸມຄັ້ງທີ 7 ວ່າດ້ວຍການຮ່ວມ ມືວຽກງານປ້ອງກັນຄວາມສະຫງົບ ລະຫວ່າງກະຊວງປ້ອງກັນຄວາມສະຫງົບແຫ່ງ ສປປ ລາວ ແລະ ກະຊວງພາຍໃນ ສສ ມຽນມາ ເຊິ່ງຈັດຂຶ້ນທີ່ນະຄອນຫຼວງວຽງຈັນໃນວັນທີ 20 ມີນາ 2017.

ຮ່ວມລົງນາມບົດບັນທຶກຄັ້ງນີ້, ຝ່າຍລາວນໍາໂດຍ ພົນຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນ ຄວາມສະຫົງບ ແຫ່ງ ສປປ ລາວ ແລະ ຝ່າຍມຽນມານໍາ ໂດຍ ພົນໂທ ຈໍ ສະເວ ລັດຖະມົນຕີກະຊວງພາຍໃນ ສສ ມຽນມາ ໂດຍມີຄະນະຜູ້ແທນທັງສອງຝ່າຍເຂົ້າຮ່ວມ.

ໃນກອງປະຊຸມຮ່ວມມືສອງຝ່າຍຄັ້ງນີ້, ພົນຕີ ສົມແກ້ວ ສີລາວົງ ໄດ້ຕີລາຄາການຮ່ວມມືລະຫວ່າງສອງກະຊວງ ໃນໄລຍະໜຶ່ງປີຜ່ານມາໂດຍກ່າວວ່າ: ນັບແຕ່ກອງປະຊຸມຄັ້ງທີ 6 ຕົ້ນປີ 2017ມາເຖິງປັດຈຸບັນ, ເຫັນວ່າສອງຝ່າຍ ໄດ້ພ້ອມກັນເອົາໃຈໃສ່ຈັດຕັ້ງປະຕິບັດເນື້ອໃນບົດບັນທຶກການຮ່ວມມືກັນຢ່າງຫ້າວຫັນ ແລະ ສາມາດເຮັດສໍາເລັດຫຼາຍ ດ້ານເຊິ່ງ ເປັນການປະກອບສ່ວນອັນໃຫຍ່ຫຼວງໃນການເສີມສ້າງສາຍພົວພັນມິດຕະພາບ ແລະ ການຮ່ວມມື ຂອງສອງ ປະເທດເວົ້າລວມ, ເວົ້າສະເພາະແມ່ນສອງກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງພາຍໃນ ສສ ມຽນມາ. ຜົນສໍາເລັດຂອງການຮ່ວມມືດັ່ງກ່າວໄດ້ສ້າງເງື່ອນໄຂອັນດີໃຫ້ປະຊາຊົນຂອງສອງປະເທດ ໂດຍສະເພາະແມ່ນ ປະຊາຊົນທີ່ດໍາລົງຊີວິດຢູ່ຕາມຊາຍແດນລາວ-ມຽນມາ ສາມາດໄປມາຫາສູ່ທໍາມາຄ້າຂາຍຮ່ວມກັນຢ່າງປົກກະຕິເຮັດໃຫ້ ຊາຍແດນຂອງສອງປະເທດມີຄວາມສະຫງົບໂດຍພື້ນຖານ.

ຢ່າງໃດກໍຕາມ ກໍຍັງມີບາງສະພາບທີ່ເກີດຂຶ້ນເຊິ່ງຈະໄດ້ຮ່ວມມືກັນສະກັດກັ້ນ ແລະ ແກ້ໄຂເຊັ່ນ: ສະພາບການ ລັກລອບຄ້າຂາຍຢາເສບຕິດຍັງເກີດຂຶ້ນຢ່າງລຽນຕິດຢູ່ບໍລິເວນຊາຍແດນ, ການເຂົ້າ-ອອກເມືອງ ຂອງປະຊາຊົນລຽບຕາມ ຊາຍແດນຈໍານວນໜຶ່ງຍັງບໍ່ຖືກຕ້ອງຕາມລະບຽບ.

ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ກ່າວວ່າ: "ຂ້າພະເຈົ້າສະເໜີໃຫ້ສອງ ຝ່າຍພ້ອມກັນຈັດຕັ້ງປະຕິບັດເນື້ອໃນບົດບັນທຶກການຮ່ວມມືໃນປີ 2018 ໃຫ້ເປັນຮູບປະທໍາຫຼາຍຂຶ້ນກວ່າເກົ່າ, ພວກ ເຮົາຕ້ອງໄດ້ເພີ່ມທະວີການພົວພັນຮ່ວມມືໃນການປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຕາມ ບໍລິເວນຊາຍແດນ ເພື່ອອໍານວຍຄວາມສະດວກແລະຄວາມປອດໄພໃຫ້ແກ່ປະຊາຊົນສອງຊາດໃນການໄປ-ມາຫາສູ່ກັນຢ່າງເປັນ ປົກກະຕິ, ແນໃສ່ເຮັດໃຫ້ຊາຍແດນລະຫວ່າງສອງປະເທດກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມືເພື່ອພັດທະນາ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ