Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ອກສລ ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານໃຫ້ 8 ໜ່ວຍພັກ

 

          ວັນທີ 19 ມີນາ 2018 ອົງການກວດສອບແຫ່ງລັດ ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານໃຫ້ 8 ໜ່ວຍພັກ ທີ່ຂຶ້ນກັບຄະນະພັກອົງການກວດສອບແຫ່ງລັດ ແລະ ມອບບັດສະມາຊິກພັກໃຫ້ ສະມາຊິກພັກສົມບູນ ຊຸດທີ IV ຈໍານວນ 11 ສະຫາຍ ຍິງ 6 ສະຫາຍ ມອບໂດຍ ທ່ານ ປອ ນາງ ວຽງທອງ ສີພັນດອນ ກຳມະການສູນກາງພັກເລຂາຄະນະພັກ, ປະທານອົງການກວດສອບແຫ່ງລັດ.

          ທ່ານ ແສງເພັດ ສີຫາວົງ ຮອງຫົວໜ້າກົມຈັດຕັ້ງພະນັກງານ ຂຶ້ນຜ່ານແຈ້ງການຂອງຄະນະຈັດຕັ້ງສູນກາງພັກ ສະບັບເລກທີ 20/ຄຈສພ, ວັນທີ 20 ກຸມພາ 2018 ວ່າດ້ວຍການມອບບັດສະມາຊິກພັກ ຊຸດທີ IV ແລະ ໜັງສືນຳສົ່ງ ຂອງກົມກໍ່ສ້າງພັກ, ຄະນະຈັດຕັ້ງສູນກາງພັກ ສະບັບເລກທີ 73/ກສພ, ລົງວັນທີ 20 ທັນວາ 2017 ກ່ຽວກັບ ໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຂອງຄະນະພັກອົງການກວດສອບແຫ່ງລັດ ໄດ້ຕົກລົງມອບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳພາຮອບດ້ານໃຫ້ 8 ໜ່ວຍພັກ ທີ່ຂຶ້ນກັບຄະນະພັກອົງການກວດສອບແຫ່ງລັດ ຄື: ໜ່ວຍພັກ ຫ້ອງການ, ໜ່ວຍພັກຈັດຕັ້ງ-ພະນັກງານ, ໜ່ວຍພັກກວດສອບອົງການຈັດຕັ້ງລັດ, ໜ່ວຍພັກກວດສອບວິສາຫະກິດ, ໜ່ວຍພັກກວດສອບໂຄງການເງິນກູ້ຢືມ ແລະ ຊ່ວຍເຫຼືອລ້າ, ໜ່ວຍພັກນິຕິກຳ, ໜ່ວຍພັກ ຮ່ວມມືສາກົນ ແລະ ໜ່ວຍພັກສະຖາບັນຝຶກອົບຮົມ;ພ້ອມດຽວກັນນັ້ນໄດ້ປະກາດແຜນສ້າງ ໜ່ວຍພັກກວດສອບທະນາຄານ ແລະ ໜ່ວຍ ພັກກວດກາ ເປັນໜ່ວຍພັກປອດໃສ, ໜັກແໜ້ນ ແລະ ເຂັ້ມແຂງ;

ການມອບ-ຮັບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ແລະ ບັດສະມາຊິກພັກ ໃນຄັ້ງນີ້ ແມ່ນ ເອກະສານທີ່ຢັ້ງຢືນຖານະນາມຂອງ ໜ່ວຍພັກ ແລະ ສະມາຊິກພັກ ຜູ້ທີ່ດີເດັ່ນ, ໄດ້ສຳເລັດ, ເຮັດຫຼ້ອນໜ້າທີ່ການ ເມືອງ, ມີຄຸນງາມຄວາມດີ, ມີຄຸນສົມບັດ ສິນທຳປະຕິວັດ ແລະ ມີຄວາມບໍລິສຸດສັດຊື່ຕໍ່ຊາດ, ຕໍ່ປະຊົນ, ມີຄວາມຈົງຮັກ ພັກດີຕໍ່ອຸດົມການຂອງພັກ ຢ່າງແທ້ຈິງ ແລະ ເພື່ອເປັນ ການຍ້ອງຍໍສັນລະເສີນ ຜົນງານທີ່ໄດ້ປະກອບສ່ວນເຂົ້າໃນ ວຽກງານຂອງພັກຢ່າງສະເໝີຕົ້ນສະເໝີປາຍ.

ຫຼັງຈາກນັ້ນ, ທ່ານ ປອ ນາງ ວຽງທອງ ສີພັນດອນ ໄດ້ມອບຍ້ອງຍໍບຸກຄົນ ແລະ ກົມກອງລວມໝູ່ທີ່ ໄດ້ປະກອບສ່ວນເຂົ້າໃນກອງປະຊຸມສຸດຍອດອາຊຽນຊາຍ ຄັ້ງທີ 4 ທີ່ອົງການກວດສອບແຫ່ງລັດ ສປປ ລາວ ໄດ້ຮັບ ກຽດເປັນເຈົ້າພາບ ໃນລະຫວ່າງວັນທີ 4-7 ພະຈິກ 2017 ໄດ້ຮັບຜົນສໍາເລັດຢ່າງຈົບງາມ ໃນນີ້ໄດ້ມອບຫຼຽນກາ ແຮງງານ ຈຳນວນ 28 ທ່ານ ແລະ 8 ກົມກອງ, ມອບໃບຍ້ອງຍໍລັດຖະບານ ຈຳນວນ 78 ທ່ານ ແລະ 7 ກົມກອງ.

 

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ