Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ສະຫຼຸບວຽກງານການເງິນ ກຳລັງປ້ອງກັນຄວາມສະຫງົບ ປະຈຳປີ 2017

ກົມໃຫຍ່ພະລາທິການ ກະຊວງ ປກສ ໄດ້ຈັດກອງປະຊຸມສະຫຼຸບວຽກງານການເງິນຂອງກຳລັງປ້ອງກັນຄວາມສະ ຫງົບ ປະຈຳປີ 2017 ແລະ ວາງທິດທາງແຜນການປະຈໍາປີ 2018 ຂຶ້ນໃນວັນທີ 7 ພຶດສະພາ 2018, ໂດຍການ ເປັນປະທານຂອງ ພັທ ໜູຈອນ ກ້ອນທອງດຳ ຫົວໜ້າ ກົມການເງິນ ກົມໃຫຍ່ພະລາທິການ, ເຂົ້າຮ່ວມໂດຍ ພົຈວ ຄຳໄຕ ຄຳແພງເພັດ ຫົວໜ້າກົມໃຫຍ່ພະລາທິການ ກະຊວງ ປກສ, ມີຕາງໜ້າບັນດາກົມກອງອ້ອມຂ້າງກະຊວງ ແລະ ປກສ ແຂວງທົ່ວປະເທດເຂົ້າຮ່ວມ.

ພັທ ນາງ ທອງປັນ ພົມຫຼ້າວົງ ຮອງຫົວໜ້າກົມການເງິນກ່າວວ່າ: ກອງປະຊຸມໃນຄັ້ງນີ້, ແມ່ນເພື່ອພ້ອມກັນຕີລາຄືນ ກ່ຽວກັບສະພາບການຈັດຕັ້ງປະຕິບັດວຽກງານການເງິນໃນໄລຍະ 1 ປີທີ່ຜ່ານມາ, ຄົ້ນຄວ້າ, ແລກປ່ຽນ ແລະ ຖອດຖອນ ບົດຮຽນນຳບັນດາກົມກອງ, ກອງບັນຊາການ ປກສ ແຂວທົ່ວປະເທດ, ປກສ ນະຄອນຫຼວງວຽງຈັນ ເພື່ອສົ່ງເສີມດ້ານດີ ແລະ ແກ້ໄຂດ້ານອ່ອນຂໍ້ຄົງຄ້າງໃຫ້ຂາດຕົວ. ເຊິ່ງການເຄື່ອນໄຫວວຽກງານການເງິນປ້ອງກັນຄວາມສະຫງົບປະຈຳປີ 2017 ຜ່ານມາ, ໄດ້ຕິດຕາມ, ກວດກາ, ຊຸກຍູ້ຈັດຕັ້ງປະຕິບັດລາຍຮັບ ແລະ ລາຍຈ່າຍງົບປະມານໄດ້ຕາມແຜນທີ່ກະຊວງ ການເງິນອະນຸມັດ ແລະ ລວມສູນຢູ່ພະລາທິການແຕ່ລະຂັ້ນ, ວຽກງານບໍລິຫານສັງລວມຄຸ້ມຄອງເອກະສານຂາເຂົ້າ-ຂາ ອອກ ໄດ້ທັງໝົດ 8.789 ສະບັບ, ເກັບມ້ຽນສຳນວນສຳເນົາເອກະສານຕ່າງໆ ໄວ້ເປັນລະບົບ. ນອກນີ້, ຍັງໄດ້ຄຸ້ມຄອງ ປົກປັກຮັກສາຊັບສົມບັດຄົງທີ່, ອຸປະກອນເຕັກນິກພາຍໃນກົມການເງິນຖືກຕ້ອງຕາມລະບຽບຫຼັກການ. ຈາກນັ້ນ, ບັນດາຜູ້ເຂົ້າ ຮ່ວມກໍໄດ້ຜັດປ່ຽນກັນຂຶ້ນລາຍງານສະພາບການຈັດຕັ້ງປະຕິບັດວຽກງານການເງິນ ຢູ່ກົມກອງຂອງຕົນຢ່າງກົງໄປ-ກົງມາ ເພື່ອເຮັດໃຫ້ບົດສະຫຼຸບດັ່ງກ່າວມີເນື້ອໃນຄົບຖ້ວນສົມບູນຂຶ້ນຕື່ມ.

ພົຈວ ຄຳໄຕ ຄຳແພງເພັດ ໄດ້ເນັ້ນໜັກໃຫ້ພະນັກງານການເງິນທຸກສະຫາຍເອົາໃຈໃສເຊື່ອມຊຶມ ແນວທາງນະໂຍບາຍ, ລະບຽບກົດໝາຍຂອງພັກ-ລັດຖະບານຢ່າງເລິກເຊິ່ງ, ພ້ອມກັນຍົກສູງຄວາມຮັບຜິດຊອບ, ສຸມສະຕິປັນຍາເຂົ້າໃນວຽກ ງານວິຊາສະເພາະຂອງຕົນ ເພື່ອພ້ອມກັນສ້າງບາດກ້າວອັນໃໝ່ໃນການປັບປຸງວຽກງານການເງິນ ຂອງກຳລັງປ້ອງກັນ ຄວາມສະຫງົບໃຫ້ເຂັ້ມແຂງບົນພື້ນຖານການປະຢັດມັດທະຍັດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ