Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ວຕປ ປິດຊຸດຮຽນ ໃຫ້ນັກສຶກສາ 3 ຮຸ່ນ

 

ວິທະຍາຄານຕຳຫຼວດປະຊາຊົນ (ວຕປ) ກະຊວງ ປກສ ໄດ້ຈັດພິທີປິດຊຸດຮຽນ ໃຫ້ນັກສຶກສາລະບົບປະລິນຍາໂທ ຮຸ່ນທີ  IX, ຕໍ່ເນື່ອງປະລິນຍາຕີ ຮຸ່ນທ XI  ແລະ ລະບົບກໍ່ສ້າງປະລິນຍາຕີ ຮຸ່ນທີ XIX ໃນວັນທີ 5 ຕຸລາ 2018, ມອບ ໃບປະກາສະນີຍະບັດໂດຍ ພົຕ ປອ ສົມຫວັ ທຳມະສິດ ຮອງລັດຖະມົນຕີກະຊວງ ປກສ, ມີຄະນະອຳນວຍການ, ແຂກຮັບເຊີນຄູ - ອາຈານ, ພະນັກງານ - ນັກຮົບ, ນັກສຶກສາເຂົ້າຮ່ວມ.

ພັອ ປອ ວົງເຊໂດນ ພັນທະແກ້ວ ຮອງຜູ້ອຳນວຍການ ວຕປ ກ່າວວ່າ: ຊຸດຮຽນປະລິນຍາໂທ ຮຸ່ນທີ IX ໃຊ້ເວລາ ຮຽນ 2 ປີ, ມີ  3 ໝວດວິຊາຮຽນ, ມີ 83 ໜ່ວຍກິດ, ແບ່ງອອກເປັນ 4 ຂັ້ນຕອນ ຄື: ຮຽນພາກທິດສະດີ, ມອບຫົວ ຂໍ້, ອາຈານທີ່ປຶກສາ, ລົງເກັບກຳຂໍ້ມູນ, ຂຽນບົດວິທະຍານິພົນ ແລະ ປ້ອງກັນບົດວິທະຍານິພົນຂັ້ນວິຊາການ ແລະ ປ້ອງ ກັນບົດຈົຊັ້ນ, ເຊິ່ງຜ່ານການປ້ອງກັນເຫັນວ່ານັກສຶກສາສາມາດໄດ້ຄະເເນນສູງສຸດ 9,40 ຄະແນນ, ຕໍ່າສຸດ 9,30 ຄະ ແນນ ແລະ ຈັດຢູ່ໃນລະດັບເກຼດ A ທັງໝົດ 26 ສະຫາຍ.

ລະບົບຕໍ່ເນື່ອງປະລິນຍາຕີ ຮຸ່ນທີ XI ໃຊ້ເວລາຮຽນ 2 ປີ, ມີ 68 ໜ່ວຍກິດ, ມີ 4 ພາກ ແລະ ລົງຝຶກຫັດຕົວຈິງ; ໃນ ນີ້, ໄດ້ຂຽນ ແລະ ປ້ອງກັນບົດລາຍງານໂຄງການຈົບຊັ້ນ 16 ສະຫາຍ ໄດ້ຄະແນນສູງສຸດ 9,48 ແລະ ຕໍ່າສຸດ 9,35 ຄະແນນ ແລະ ສອບເສັງຈົບຊັ້ນ 40 ສະຫາຍ ຍິງ 3 ສະຫາຍ ໄດ້ຄະແນນສູງສຸດ 9 ແລະ ຕໍ່າສຸດ 6 ຄະແນນ.

ສຳລັບລະບົບກໍ່ສ້າງປະລິນຍາຕີ ຮຸ່ນທີ XIX ໃຊ້ເວລາຮຽນ 4 ປີ ມີ 132 ໜ່ວຍກິດ, ຜ່ານ ການຮຽນ - ການສອນ ສາ ມາດສະແດງອອກໃນການປະຕິບັດຕົວຈິງ ຄື: ໄດ້ຂຽນ ແລະ ປ້ອງກັນບົດລາຍງານຈົບຊັ້ນ 26 ສະຫາຍ ຍິງ 3 ສະຫາຍ ຄະ ແນນສູງສຸດ 9,49 ແລະ ຄະແນນຕໍ່າສຸດ 9,20, ສອບເສັງ ຈົບຊັ້ນ ມີ 127 ສະຫາຍ ຍິງ 23 ສະຫາຍ, ໂດຍມີຄະແນນສູງ ສຸດ 9 ແລະ ຕໍ່າສຸດ 6 ຄະເເນນ.

ພ້ອມນັ້ນ, ຍັງໄດ້ມອບໃບຍ້ອງຍໍ ໃຫ້ນັກສຶກສາລະບົບປະລິນຍາຕີ ທັງ 2 ຮຸ່ນ ທີ່ມີຄວາມດຸໝັ່ນສຶກສາຄົ້ນຄວ້າຮໍ່າ ຮຽນ ແລະ ຝຶກ ຝົນຫຼ່ໍຫຼອມຕົນເອງ ແລະ ປະຕິບັດລະບຽບວິໄນທີ່ວາງອອກຢ່າງເຂັ້ມງວດ; ໃນນັ້ນ, ມີຍ້ອງຍໍຂັ້ນ ກະ ຊວງ ປກສ 71 ສະຫາຍ ຍິງ 7 ສະຫາຍ, ຂັ້ນກົມໃຫຍ່ການເມືອງ ປກສ 140 ສະຫາຍ ຍິງ 21 ສະຫາຍ ແລະ ຍ້ອງຍໍ ຂັ້ນ ວຕປ 24 ສະຫາຍ ຍິງ 1 ສະ ຫາຍ.

ນອກນັ້ນ, ຍັງໄດ້ປະກາດເລື່ອນຊັ້ນໃຫ້ນັກສຶກສາ ຮຸ່ນທີ XI ມີ ພັຕ ຂຶ້ນ ພັທ 2 ສະຫາຍ, ຮອ ຂຶ້ນ ພັຕ 2 ສະຫາຍ, ຮທ ຂຶ້ນ ຮອ 3 ສະຫາຍ, ຮຕ ຂຶ້ນ ຮທ 2 ສະຫາຍ ຍິງ 1 ສະຫາຍ, ສ່ວນທີ່ເຫຼືອແມ່ນຮັກສາຊັ້ນເດີມ; ຮຸ່ນທີ XIX ເລື່ອນຊັ້ນ ຮຕ ຂຶ້ນ ຮທ 1 ສະຫາຍ; ໃນນັ້ນ ປະດັບຊັ້ນ ຮ້ອຍໂທ ມີ 128 ສະຫາຍ ຍິງ 25 ສະຫາຍ ແລະ ໄດ້ສັບຊ້ອນ ພະນັກງານທີ່ສໍາເລັດການສຶກສາ ລົງກໍ່ສ້າງຮາກຖານການເມືອງຢູ່ບັນດາກົມກອງອ້ອມຂ້າງກະຊວງ ແລະ ປກສ ເເຂວງ.

ໂອກາດດຽວກັນ, ພົຕ ປອ ສົມຫວັງ ທຳມະສິດ ໄດ້ສະແດງຄວາມຊົມເຊີຍຕໍ່ຜົນສຳເລັດທີ່ນັກສຶກສາທັງ 3 ຮຸ່ນ ທີ່ໄດ້ສຳເລັດ ການຮຽນຕາມໂຄງການຫຼັກສູດຄັ້ງນີ້ ພ້ອມທັງມີທິດຊີ້ນຳໃຫ້ບັນດາສະຫາຍ ຈົ່ງສືບຕໍ່ຄົ້ນຄວ້າເຊື່ອມຊຶມເອົາ ບົດຮຽນ ທີ່ໄດ້ຮຽນມາແລ້ວນຳໄປຈັດຕັ້ງຜັນຂະຫຍາຍ ເພື່ອປັບປຸງແກ້ໄຂ ກ່ຽວກັບວຽກງານວິຊາສະເພາະຢູ່ໃນກົມກອງ - ທ້ອງ ຖິ່ນຂອງຕົນສັງກັດໃຫ້ມີການຫັນປ່ຽນ ແບບແຜນວິທີເຮັດວຽກໃຫ້ສອດຄ່ອງ ແລະ ອຸດົມສົມບູນກວ່າເກົ່າ, ເປັນແບບຢ່າງ ນຳໜ້າທີ່ດີໃຫ້ແກ່ອ້າຍນ້ອງພາຍໃນກົມກອງຢ່າງເຂັ້ມງວດ ແລະ ເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ໃນສັງຄົມ ກໍຄືພາຍໃນກຳລັງດ້ວຍຄວາມຍຸຕິທຳ ເພື່ອເຮັດສຳເລັດໜ້າທີ່ວຽກງານ ວິຊາສະເພາະທີ່ການຈັດຕັ້ງມອບໝາຍໃຫ້ດ້ວຍ ຄວາມຮັບຜິດຊອບສູງ ແລະ ມີປະສິດທພາບ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ