Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປກສ ເມືອງຫາດຊາຍຟອງ ສະຫຼຸບວຽກງານ ປະຈຳປີ 2017

ກອງບັນຊາການ ປກສ ເມືອງຫາດຊາຍຟອງນະຄອນຫຼວງວຽງຈັນຈັດກອງປະຊຸມສະຫຼຸບວຽກງານປ້ອງກັນຄວາມສະຫງົບ ປະຈໍາປີ 2017 ແລະວາງທິດທາງແຜນການປະຈໍາປີ 2018 ຂຶ້ນໃນວັນທີ 20 ມີນາ 2018 ໂດຍການເຂົ້າຮ່ວມຂອງ ພົຈ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ມີຮອງເຈົ້າເມືອງ, ຫົວໜ້າ-ຮອງຫົວໜ້າ ກອງບັນຊາການ, ພະນັກງານນໍາພາ, ພະນັກງານ-ນັກຮົບເຂົ້າຮ່ວມ.

ພັທ ສັງວານ ຂາວປະເສີດ ຫົວໜ້າກອງບັນຊາການ ປກສ ເມືອງຫາດຊາຍຟອງກ່າວວ່າ: ໃນປີ 2017 ຜ່ານມາ, ກອງບັນຊາການ ປກສ ເມືອງຫາດຊາຍຟອງໄດ້ເອົາໃຈໃສ່ຊີ້ນໍາ-ນໍາພາພະນັກງານ-ນັກຮົບຢ່າງຕັ້ງໜ້າໃນການເຄື່ອນໄຫວ ເຮັດວຽກງານປ້ອງກັນຄວາມສະຫງົບ ໂດຍສະເພາະແມ່ນພາຍໃນເມືອງຫາດຊາຍຟອງຢ່າງ ເຂັ້ມງວດເຊັ່ນ: ໄດ້ກວດຄົນ ເຂົ້າ-ອອກເມືອງມີ 27.403 ຄົນຍິງ 17.052 ຄົນ, ເດັກນ້ອຍ 644 ຄົນ; ໃນນັ້ນ, ມີຄົນເຂົ້າເມືອງມີ 4.398 ຄົນຍິງ 2.397 ຄົນ, ເດັກນ້ອຍ 196 ຄົນ, ມີຄົນອອກເມືອງ 4.305 ຄົນຍິງ 2.238 ຄົນ, ເດັກນ້ອຍ 222 ຄົນ, ແກ້ໄຂຜູ້ລະເມີດຊາຍແດນມີ 39 ຄົນຍິງ 10 ຄົນ, ໃນນັ້ນ, ມີຄົນຕ່າງເມືອງ 9 ຄົນ, ຕ່າງແຂວງ 30 ຄົນຍິງ 10 ຄົນ, ຂຶ້ນບັນຊີຄົນຕ່າງປະເທດທີ່ພັກອາໄສ ແລະ ປະກອບອາຊີບຢູ່ພາຍໃນເມືອງມີ 157 ຄົນຍິງ 49 ຄົນ, ມີ 10 ສັນຊາດ; ໃນນັ້ນ, ພັກເຊົາຖືກຕ້ອງ 62 ຄົນຍິງ 18 ຄົນ. ຄຽງຄູ່ກັນນັ້ນ, ຍັງໄດ້ເອົາໃຈໃສ່ສະກັດກັ້ນ, ເລີກຮື້, ແກ້ໄຂປຸ້ນຈີ້, ຊີງຊັບ, ລັກຊັບ, ສະກັດກັ້ນປາບປາມຢາເສບຕິດແລະຕ້ານການຄ້າມະນຸດ, ສຸມໃສ່ເລີກຮື້ ແລະ ແກ້ໄຂເປົ້າໝາຍ ຫົວໂປ່ໂຕການແກ້ໄຂໜໍ່ແໜງຂອງຄວາມບໍ່ເປັນລະບຽບຮຽບຮ້ອຍສະແດງອອກໃນ 1 ປີຜ່ານມາ, ມີຄະດີເກີດຂຶ້ນ ທັງໝົດ 365 ເລື່ອງ, ແກ້ໄຂໄດ້ 313 ເລື່ອງ, ກັກຕົວຜູ້ກະທໍາຜິດມາດໍາເນີນຄະດີໄດ້ 281 ຄົນຍິງ 11 ຄົນ, ທົ່ວເມືອງມີລົດຈັກເສຍ 67 ຄັນ, ເງິນກີບ 102.829.000 ກີບ, ເງິນບາດ 82.000 ບາດ, ເງິນໂດລາ 1.600 ໂດລາ, ຄອມພິວເຕີ 1 ໜ່ວຍ, ໂທລະສັບ 21 ໜ່ວຍ, ຄໍາຮູບປະພັນ 9 ບາດ, ສາມາດເກັບກູ້ຄືນໄດ້ລົດຈັກ 51 ຄັນ, ເງິນກີບ 5.000.000 ກີບ, ເງິນບາດ 10.690 ບາດ, ໂທລະສັບ 5 ໜ່ວຍ.

ສໍາລັບທິດທາງປະຈໍາປີ 2018 ຈະສືບຕໍ່ສູ້ຊົນ ໃນການປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ພາຍໃນເມືອງຫາດຊາຍຟອງໃຫ້ມີຄວາມສະຫງົບປອດໄພ, ມີສະຖຽນລະພາບທາງດ້ານການເມືອງຢ່າງໜັກແໜ້ນ, ມີ ຄວາມສະຫງົບ-ໝັ້ນຄົງ, ມີຄວາມເປັນລະບຽບຮຽບຮ້ອຍ, ຕັ້ງໜ້າແກ້ໄຂປະກົດການຫຍໍ້ທໍ້ໃຫ້ຫຼຸດລົງຢ່າງຈະແຈ້ງ, ສືບຕໍ່ຫັນກໍາລັງ, ພະນັກງານລົງກໍ່ສ້າງຮາກຖານການເມືອງປຸກລະດົມສຶກສາອົບຮົມປະຊາຊົນທຸກຊັ້ນຄົນຮ່ວມກັນສຸມໃສ່ ສ້າງບ້ານປ້ອງກັນຊາດ-ປ້ອງກັນຄວາມສະຫງົບ, ເພີ່ມທະວີວຽກງານວິຊາສະເພາະຕາມແນວຊາຍແດນກໍາໃຫ້ໄດ້ສະພາບ ການເຄື່ອນໄຫວຂອງພວກຄົນບໍ່ດີເພື່ອຈະໄດ້ພ້ອມກັນແກ້ໄຂທັນການຖ້າມີບັນຫາບໍ່ດີເກີດຂຶ້ນ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ