Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

 ປ້ອງກັນສູນກາງ ເຜີຍແຜ່ 5 ກິດຈະກຳທີ່ກຳລັງດຳເນີນງານ

 

          ໃນວັນທີ 5 ກັນຍາ 2018 ກອງບັນຊາການປ້ອງກັນສູນກາງ ກະຊວງ ປກສ ຈັດເຜີຍແຜ່ບັນດາໂຄງການ ຂອງກອງບັນຊາການ ໃຫ້ຄະນະບັນຊາ, ຕະຫຼອດຮອດນາຍ ແລະ ພົນຕຳຫຼວດ ໄດ້ຮັບຮູ້ ແລະ ເຂົ້າໃຈເນື້ອໃນທີ່ກອງ ບັນຊາການກຳລັງສືບຕໍ່ດຳເນີນງານ ເພື່ອເປັນການກໍ່ສ້າງທ່າສະໜາມປ້ອງກັນສູນກາງພາຍໃນປະເທດໃຫ້ເຂັ້ມແຂງ ແລະ ເດັດດ່ຽວ ແກ້ໄຂບັນດາປັດໄຈ ໜໍ່ແໜງພາໃຫ້ເກີດຄວາມບໍ່ສະຫງົບ ຢູ່ພາຍໃນຢ່າງມີປະສິດທິຜົນສູງ ໂດຍການເປັນປະ ທານຂອງ ພັອ ຄໍາເຄື່ອງ ບຸນວິໄລ ຫົວໜ້າກອງບັນຊາການປ້ອງກັນສູນກາງ.

 ພັທ ສົມໝາຍ ພົມມະຈັນ ຮອງຫົວໜ້າກອງບັນຊາການປ້ອງກັນສູນກາງ ໂຄງການປ້ອງກັນສູນກາງ ແມ່ນໜຶ່ງ ໃນຈໍານວນ 43 ໂຄງການ ທີ່ນອນຢູ່ໃນແຜນງານທີ່ໜຶ່ງ, ເປັນໂຄງການທີ 7 ຂອງກະຊວງປ້ອງກັນຄວາມ ສະຫງົບ ເຊິ່ງໄດ້ສັງລວມເອົາບັນດາກິດຈະກໍາຂອງບັນດາຫ້ອງເຂົ້າເປັນໂຄງການ ຄື: ກິດຈະກໍາທີ 1 ແມ່ນ ສ້າງ ແລະ ປັບປຸງນິຕິກໍາ ປະກອບມີ 3 ໜ້າວຽກຫຼັກ: ສ້າງດໍາລັດຂອງນາຍົກລັດຖະມົນຕີ ວ່າດ້ວຍ ວຽກງານປ້ອງກັນສູນກາງ, ປັບ ປຸງບົດວິທະຍາ ແລະ ເຄື່ອງປະກອບປະຈໍາຕົວ, ປັບປຸງກໍ່ສ້າງເພື່ອນຮ່ວມງານ-ຜູ້ເຊື່ອຖື ກິດຈະກໍາທີ 2 ແມ່ນປັບປຸງ ກົງຈັກການຈັດຕັ້ງ ແລະ ກໍ່ສ້າງກໍາລັງວິຊາສະເພາະປ້ອງກັນສູນກາງໃຫ້ມີແບບແຜນທັນສະໄໝ ປະກອບມີ 6 ໜ້າ  ວຽກ: ສ້າງຕັ້ງກອງພັນປ້ອງກັນການນໍາພັກ-ລັດ ແລະ ສໍານັກງານ-ອົງການ, ປ້ອງກັນແຂກ-ກອງປະຊຸມ, ປັບປຸງລະບົບ ການຈັດຕັ້ງຂັ້ນພະແນກທີ່ຂຶ້ນກັບ 4 ຫ້ອງ ແລະ ໂຮງຮຽນ, ການກໍ່ສ້າງ ປັບປຸງກໍາລັງວິຊາສະເພາະໃຫ້ມີແບບທັນສະໄໝ, ຮັບຜູ້ສະໝັກທົດແທນທີ່ມີສະເພາະແລ້ວເຂົ້າເປັນກໍາລັງ, ຝຶກອົບຮົມວິຊາສະເພາະໄລຍະສັ້ນວຽກງານວິຊາສະເພາະໃຫ້ ພະນັກງານ-ນັກຮົບ, ຄົ້ນຄວ້າພະນັກງານໄປຍົກລະດັບວິຊາສະເພາະຕ່າງໆທັງພາຍໃນ ແລະ ຕ່າງປະເທດ ກິດຈະກໍາທີ 3 ແມ່ນ ຄົ້ນຄວ້າປັບປຸງແບບແຜນວິທີນໍາພາ-ບັນຊາຂອງຄະນະພັກ, ຄະນະບັນຊາແຕ່ລະຂັ້ນ ມີ 5 ໜ້າວຽກ : ຈັດຕັ້ງນໍາ ພາສຶກສາອົບຮົມການເມືອງແນວຄິດ ຕິດພັນກັບການຈັດຕັ້ງ ເຊື່ອມຊຶມແນວທາງນະໂຍບາຍຂອງພັກ ລະບຽບກົດໝາຍ ຊອງລັດ ແລະ ນໍາພາອົງການຈັດຕັ້ງມະຫາຊົນ, ກໍ່ສ້າງກົມກອງເຂັ້ມແຂງໜ່ວຍພັກຮູ້ນໍາພາຮອບດ້ານຢູ່ແຕ່ລະໜ່ວຍພັກ, ຈັດຕັ້ງຝຶກອົບຮົມວຽກງານນໍາພາ-ບັນຊາ ແລະ ກວດກາໃຫ້ຄະນະພັກ ຄະນະບັນຊາແຕ່ລະຂັ້ນ, ກໍ່ສ້າງພັກ-ພະນັກງານ ໃຫ້ໄດ້ທັງປະລິມານ ແລະ ຄຸນນະພາບ ເພື່ອຮັບປະກັນໃຫ້ແກ່ການຂະຫຍາຍຕົວຂອງລະບົບກົງຈັກການຈັດຕັ້ງ ແລະ ພະນັກງານສືບທອດປ່ຽນແທນ, ວຽກງານຈັດຕັ້ງປະຕິບັດນະໂຍບາຍຕໍ່ພະນັກງານ-ນັກຮົມ; ກິດຈະກໍາທີ 4 ແມ່ນ ປັບປຸງວຽກງານຮັບປະກັນຄວາມສະຫງົບ-ປອດໄພໃຫ້ແກ່ການນໍາພັກ-ລັດ ແລະ ສໍານັກງານ-ອົງການທີ່ສໍາຄັນຂອງພັກ-ລັດ ມີ 2 ໜ້າວຽກ : ປັບປຸງວຽກງານຮັບປະກັນຄວາມສະຫງົບປອດໄພໃຫ້ແກ່ການນໍາພັກ-ລັດ ແລະ ສໍານັກງານ-ອົງ ການ ສ່ວນ ກິດຈະກໍາທີ 5 ແມ່ນ ປັບປຸງວຽກງານພະລາທິການ ມີ 5 ໜ້າວຽກ : ການປະກອບພາຫະນະ ແລະ ອຸປະ ກອນເຕັກນິກ, ເຄື່ອງຮັບໃຊ້ຫ້ອງການ, ວຽກງານບໍລິຫານ, ອາວຸດລູກກະສູນ ແລະ ອຸປະກອນຮັບໃຊ້ວຽກງານວິຊາສະ ເພາະ ແລະ ກໍ່ສ້າງ, ປັບປຸງພື້ນຖານໂຄງລ່າງ ຂອງກອງບັນຊາການປ້ອງກັນສູນກາງ

          ໂອກາດດຽວກັນ, ພັອ ຄໍາເຄື່ອງ ບຸນວິໄລ ຍັງໄດ້ເນັ້ນໃຫ້ບັນດາຄະນະ ທີ່ມີໜ້າທີ່ຮັບຜິດຊອບຕໍ່ໂຄງການດັ່ງ ກາວ, ຈົ່ງເອົາໃຈໃສ່ໃນການຈັດຕັ້ງປະຕິບັດໜ້າທີ່ ທີ່ຂັ້ນເທິງມອບໝາຍໃຫ້ ດ້ວຍຄວາມຮັບຜິດຊອບສູງ, ກວດກາ, ຕິດ ຕາມ ໃນການຊີ້ນໍາ-ນໍາພາ ແລະ ເປັນເຈົ້າການ ດ້ວຍຄວາມປອດໃສ ເຂັ້ມແຂງ ໜັກແໜ້ນ ເພື່ອໃຫ້ບັນລຸຕາມຈຸດປະສົງ ຄາດໝາຍ ແລະ ປະສົບຜົນສໍາເລັດຮອບດ້ານ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ