Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປິດຊຸດຝຶກອົບຮົມວຽກງານອຸປະໂພກ-ບໍລິໂພກ ຂອງກຳລັງ ປກສ

   ພິທີປິດຊຸດຝຶກອົບຮົມວຽກງານອຸປະໂພກ - ບໍລິໂພກ ຂອງກໍາລັງປ້ອງກັນຄວາມສະຫງົບ ປະຈຳປີ2018 ໄດ້ຈັດຂຶ້ນ ໃນອາທິດຜ່ານມາ, ເປັນປະທານໂດຍ ພັອ ໜູດີ ມີໄຊຍະລາດ ຮອງຫົວໜ້າກົມໃຫຍ່ພະລາທິການ ປ້ອງກັນຄວາມສະ ຫງົບ, ມີບັນດາຄະນະຫ້ອງ, ຄະນະກົມອ້ອມຂ້າງກົມໃຫຍ່, ພ້ອມດ້ວຍນັກວິທະຍາກອນ ແລະ ສໍາມະນາກອນຈາກກົມ ກອງອ້ອມຂ້າງກະຊວງ ແລ ປກສ ແຂວງ ເຂົ້າຮ່ວມ.

  ພັທ ບຸນມີ ວົງຄຳແສນ  ຮອງຫົວໜ້າກົມອຸປະໂພກ - ບໍລິໂພກກົມໃຫຍ່ພະລາທິການ ປ້ອງກັນຄວາມສະຫງົບ ກ່າວວ່າ: ຕະຫຼອດ ໄລຍະ 4 ວັນ ຂອງການຮໍ່າຮຽນບັນດາເອກະສານຕ່າງໆ ເຫັນວ່າໄດ້ຮັບຜົນສໍາເລັດຕາມລະດັບຄາດ ໝາຍທີ່ວາງໄວ້, ເຖິງວ່າຈະເປັນຊຸດຝຶກ ອົບຮົມທີ່ມີໄລຍະສັ້ນ, ມີເວລາບໍ່ຫຼາຍ, ມີຫຼາຍ ເອກະສານ ທີ່ນຳມາຮ່ຳຮຽນໃ ຫ້ບັນດານັກສຳມະນາກອນໄດ້ສຶກສາຄົ້ນຄວ້າ ຮ່ຳຮຽນຈົນສຳ ເລັດຕາມຈຸດປະສົງຄາດໝາຍ; ຜ່ານການຝຶກອົບຮົມ ໃນຄັ້ງນີ້ ແມ່ນໄດ້ຍົກລະດັບຄວາມຮູ້ທາງດ້ານທິດສະດີ ແລະ ພຶດຕິກຳຕົວຈິງໃຫ້ ແກ່ພະນັກງານກ່ຽວກັບວຽກງານອຸປະ ໂພກ - ບໍລິໂພກ ໃຫ້ມີຄວາມເປັນເອກະພາບກັນທາງດ້ານຫຼັກການ, ກ່ຽວກັບການສ້າງແຜນ ຄວາມຕ້ອງການວັດຖຸອຸປະ ໂພກ - ບໍລິໂພກ, ການສ້າງແຜນຂໍຮັບເຄື່ອງອຸປະໂພກ - ບໍລິໂພກ, ການສະຫຼຸບການຮັບ - ຈ່າຍວັດຖຸ, ການຮັບປະກັນ ຊີວິດການເປັນຢູ່ຂອງພະນັກງານ - ນັກຮົບ ໃນກຳລັງປ້ອງກັນຄວາມສະຫງົບ ແລະ ການປົກປັກຮັກສາເຄື່ອງອຸປະໂພກ - ບໍລິໂພກ ໃຫ້ຢູ່ໃນຄວາມກຽມພ້ອມຮັບໃຊ້ວຽກງານຢູ່ຕະຫຼອດເວລາ ນອກນັ້ນ ຍັງໄດ້ຮັບການແນະນຳທາງດ້ານ ເຕັກນິກ ໃນການວັດແທກເຄື່ອງນຸ່ງຫົ່ມ ຈາກວິທະຍາກອນໂຮງງານຕັດຫຍິບກຽນສັນຕິສຸກ ຕື່ມອີກ.

   ພັອ ໜູດີ ມີໄຊຍະລາດ  ໄດ້ມອບໃບຢັ້ງຢືນໃຫ້ບັນດານັກສຳມະນາກອນ ທີ່ໄດ້ມາຝຶກອົບຮົມໃນຄັ້ງນີ້ ພ້ອມທັງ ເນັ້ນໃຫ້ບັນດານັກສຳມະນາກອນຈາກກົມກອງ ແລະ ພາກສ່ວນຕ່າງໆ ທີ່ໄດ້ມາຮ່ວມໃຫ້ພ້ອມກັນຍົກສູງຄວາມຮັບ ຜິດຊອບຕໍ່ວຽກງານຂອງຕົນພ້ອມກັນ ສືບຕໍ່ຜັນຂະຫຍາຍເນື້ອໃນຈິດໃຈຂອງບັ້ນຝຶກອົບຮົມອຸປະໂພກ - ບໍລິໂພກ ປ້ອງ ກັນຄວາມສະຫງົບຢ່າງເປັນຮູບປະທຳ ແລະ ນຳໄປໃຊ້ເຂົ້າໃນວຽກງານຕົວຈິງ ຢູ່ກົມກອງຂອງຕົນໃຫ້ເກີດດອກອອກຜົນ ເພື່ອພ້ອມກັນກ້າວຂຶ້ນເຮັດສຳເລັດໜ້າທີ່ທີ່ການຈັດຕັ້ງຂັ້ນເທິງມອບໝາຍໃຫ້ຢ່າງມີປະສິດທິຜົນ ສູງ.                                       

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ