Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ວປສ ແຫ່ງຊາດ ປິດຊຸດຮຽນ 2 ລະບົບ

ວິທະຍາຄານປ້ອງກັນຄວາມສະຫງົບ ( ວປສ ) ແຫ່ງຊາດກະຊວງ ປກສ ໄດ້ປິດຊຸດຮຽນ ບົບປະລິນຍາໂທ ຮຸ່ນທີ VIII/2 ແລະ ລະບົບກໍ່ສ້າງປະລິນຍາຕີ ຮຸ່ນທີ 19/4 ໃນວັນທີ 31 ກໍລະ ກົດ 2018, ເປັນກຽດເຂົ້າຮ່ວມໂດຍ ພົຕ ປອ ສົມຫວັງ ທໍາມະສິດ ຮອງລັດຖະມົນຕີກະຊວງ ປກສ, ມີຄະນະອໍານວຍການ, ຫົວໜ້າ ກົມໃຫຍ່ການເມືອງ, ແຂກຮັບ ເຊີນ ແລະ ນັກສຶກສາເຂົ້າຮ່ວມ.

ພັອ ປອ ວັນສົມ ສີສົມບັດ ຮອງອໍານວຍການ ວປສ ແຫ່ງຊາດ ກ່າວວ່າ: ນັກສຶກສາລະບົບປະລິນຍາໂທ ຮຸ່ນທີ VIII ມີຈໍານວນ 34 ສະຫາຍ ຍິງ 1 ສະຫາຍ; ໃຊ້ເວລາຮຽນ 2 ປີ, ເລີ່ມຮຽນມາແຕ່ ວັນທີ 8 ເມສາ 2016-31 ກໍລະກົດ 2018 ລວມມີ 24 ວິຊາ, ມີ 61 ໜ່ວຍກິດ, ປະກອບມີພາກວິຊາຄວາມຮູ້ທົ່ວໄປ, ພາກວິຊາບັງຄັບ, ພາກວິຊາເລືອກ ເຟັ້ນ; ໂດຍນັກສຶກສາໄດ້ຂຽນບົດວິທະຍາສາດ, ບົດວິທະຍານິພົນຈົບຊັ້ນໂຄງການຫຼັກສູດ ວປສ ແຫ່ງຊາດ ໄດ້ກໍານົດໄວ້ ເພື່ອຕີລາຄາເຖິງຄວາມຮູ້ຕົວຈິງ; ຜ່ານການປະເມີນຜົນການຮຽນຂອງນັກສຶກສາ ສາມາດສັງລວມໄດ້ດັ່ງນີ້: ຄະແນນຄຸນສົມ ບັດ 9 ມີ 34 ສະຫາຍ, ຄະແນນຮຽນລາຍວິຊາຕ່າງໆສະເລ່ຍລະດັບ B ມີ 34 ສະຫາຍ; ຜ່ານການຕີລາຄາການປ້ອງ ກັນວິທະຍານິພົນຈົບຊັ້ນໃນຈໍານວນ 34 ຫົວຂໍ້ ສາມາດບັນລຸໄດ້ຄະແນນສູງສຸດ 9,47 ແລະ ຄະແນນ ຕໍ່າສຸດ 9, 21.

ນັກສຶກສາລະບົບກໍ່ສ້າງປະລິນຍາຕີ ຮຸ່ນທີ 19/4 ໄດ້ເລີ່ມຮຽນແຕ່ປີ 2014 ເຊິ່ງມີຈໍານວນ 339 ສະຫາຍຍິງ 50 ສະຫາຍ, ກໍານົດໄລຍະເວລາການຮຽນ 4 ປີ, ແບ່ງອອກເປັນ 4 ໄລຍະຄື: ໄລຍະທີ 1 ນັກສຶກສາໄດ້ຮຽນຮູ້ພາກວິທະຍາ ສາດພື້ນຖານ ແລະ ພາສາຕ່າງປະເທດ ເຊິ່ງປະກອບມີ 32 ວິຊາ, 77 ໜ່ວຍກິດ, ເທົ່າກັບ 1232 ຊົ່ວໂມງ, ໄລຍະທີ 2 ນັກ ສຶກສາໄດ້ປະກອບຄວາມຮູ້ວິຊາສະເພາະພື້ນຖານຂອງກຳລັງ ປກສ ເຊິ່ງປະກອບມີ 21 ໜ່ວຍກິດ ເທົ່າກັບ 464 ຊົ່ວໂມງ, ໄລຍະທີ 3 ນັກສຶກສາໄດ້ຮັບການປະກອບ ຄວາມຮູ້ວິຊາສະເພາະລົງເລິກແຕ່ລະຂະແໜງການ ເຊັ່ນ: ຂະແໜງ ສືບສວນ-ສອບສວນຄະດີລະເມີດຄວາມສະຫງົບແຫ່ງຊາດ, ຂະແໜງປ້ອງກັນພາຍໃນ ແລະ ຂະແໜງຄຸ້ມຄອງລັດກ່ຽວກັບ ຄວາມ ສະຫງົບແຫ່ງຊາດ, ເຊິ່ງປະກອບມີ 28 ວິຊາ, ມີ 58 ໜ່ວຍກິດ ເທົ່າກັບ 928 ຊົ່ວໂມງ, ໄລຍະທີ 4 ນັກສຶກ ສາລົງຝຶກຫັດຕົວຈິງຢູ່ ປກສ ນະຄອນຫຼວງວຽງຈັນ ໃນ ໄລຍະເວລາ 4 ເດືອນ. ຕະຫຼອດໄລຍະການລົງຝຶກຫັດຂອງນັກ ສຶກສາແມ່ນທັງເຮັດວຽກງານວິຊາສະເພາະ, ທັງເກັບກຳຂໍ້ມູນ ແລະ ຂຽນບົດລາຍງານຈົບຊັ້ນ ຂອງຕົນເອງໄປພ້ອມໆກັນ; ຜ່ານ ການຕີລາຄາໝາກຜົນ ການຈັດຕັ້ງປ້ອງກັນບົດໂຄງການຈົບຊັ້ນປະລິນຍາຕີ ຮຸ່ນທີ 19/4 ສາມາດຈັດປະເພດຄະແນນ ເກຼດ A ມີ 143 ສະຫາຍ ຍິງ 28 ສະຫາຍ, ຄະແນນເກຼດ B ມີ 176 ສະຫາຍຍິງ 17 ສະ ຫາຍ, ຄະແນນເກຼດ B ມີ 15 ສະ ຫາຍ ຍິງ 7 ສະຫາຍ, ສັງລວມແລ້ວຜົນຂອງການປ້ອງກັນບົດລາຍງານໂຄ້ງການຈົບຊັ້ນປະລິນຍາຕີ ຂອງ ນັກສຶກສາ ບັນລຸຄາດໝາຍ 100%.

ໃນພິທີ, ພົຕ ປອ ສົມຫວັງ ທໍາມະສິດ ໄດ້ປະດັບຊັ້ນໃຫ້ນັກ ສຶກສາທີ່ສໍາເລັດການສຶກສາຄັ້ງນີ້; ເຊິ່ງປະກອບມີເລື່ອນ ຊັ້ນຮ້ອຍເອກຂຶ້ນ ພັນຕີ ມີ 2 ສະຫາຍ, ຮ້ອຍໂທ ຂຶ້ນຮ້ອຍເອກ 1 ສະຫາຍ ແລະ ໄດ້ປະດັບຊັ້ນຮ້ອຍໂທ ຈໍານວນ 246 ສະຫາຍ ຍິງ 46 ສະຫາຍ, ຮັກສາຊັ້ນເກົ່າມີ ຊັ້ນ ພັນຕີ 1 ສະ ຫາຍ, ຮ້ອຍເອກ 18 ສະຫາຍ, ຮ້ອຍໂທ 66 ສະຫາຍ ຍິງ 4 ສະ ຫາຍ; ພ້ອມນີ້, ຍັງໄດ້ມອບໃບຍ້ອງຍໍ ຂັ້ນກະຊວງ ປກສ, ຂັ້ນກົມໃຫຍ່ການເມືອງ ແລະ ຂັ້ນ ວປສ ແຫ່ງ ຊາດ ໃຫ້ນັກສຶກສາທີ່ມີຜົນງານດີເດັ່ນໃນການສຶກສາຮໍ່າຮຽນ; ໃນນີ້, ໄດ້ຮັບໃບຍ້ອງຍໍຂັ້ນກະຊວງ ມີ 11 ສະຫາຍ ຍິງ 4 ສະຫາຍ, ຍ້ອງຍໍຂັ້ນກົມໃຫຍ່ການເມືອງ ປກສ ມີ 14 ສະຫາຍ ຍິງ 1 ສະຫາຍ, ຍ້ອງຍໍຂັ້ນ ວປສ ແຫ່ງຊາດ 223 ສະຫາຍ ຍິງ 36 ສະຫາຍ.

     ໂອກາດດຽວກັນ ພົຈວ ປອ ວັນເຮືອງ ນັນທະຈັກ ອໍານວຍການ ວປສ ແຫ່ງຊາດ ກໍໄດ້ມອບໃບປະກາສະນີຍະບັດ ໃຫ້ ນັກສຶກສາທັງ 2 ລະບົບ ທີ່ໄດ້ສໍາເລັດການ ສຶກສາໃນຄັ້ງນີ້.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ