Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

       ປີ 2020 ທົ່ວປະເທດມີຄະດີອາຍາ ເກີດຂຶ້ນ 6.000 ກວ່າເລື່ອງ

ໃນປີ 2020 ທົ່ວປະເທດມີຄະດີ ເກີດຂຶ້ນທັງໝົດ 6.000 ກວ່າເລື່ອງ. ໃນນີ້ ຄະດີພົ້ນເດັ່ນແມ່ນຄະດີຢາ ເສບຕິດ 3.500 ກວ່າເລື່ອງ, ເຊິ່ງຂໍ້ມູນດັ່ງກ່າວໃຫ້ຮູ້ໃນກອງປະຊຸມ ສະຫຼຸບວຽກງານປ້ອງກັນຄວາມສະຫງົບ ປະຈຳປີ 2020 ຈັດຂຶ້ນໃນວັນທີ 15 ທັນວາ 2020, ເປັນປະທານໂດຍ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງ ປກສ ມີບັນດາກົມໃຫຍ່, ຫ້ອງວ່າການ, ກົມ, ກອງບັນຊາການ, 2 ວິທະຍາຄານ, 2 ບໍລິສັດ, ປກສ ນວ, ປກສ ແຂວງທົ່ວປະເທດ ແລະ ພະນັກງານຫຼັກແຫຼ່ງຂອງກຳລັງ ປກສ ເຂົ້າຮ່ວມ.

ພົຈວ ສົມວັນ ສາຍລ້ອງພາ ຫົວໜ້າຫ້ອງວ່າການ ກະຊວງ ໄດ້ຜ່ານຮ່າງບົດສະຫຼຸບການເຄື່ອນໄຫວວຽກ ງານປ້ອງກັນຄວາມສະຫງົບ ປີ 2020 ວ່າ: ກະຊວງ ປກສ ໄດ້ສຸມໃສ່ແກ້ໄຂປະກົດການຫຍໍ້ທໍ້ທາງສັງຄົມ, ໂດຍຈັດ ຕັ້ງຜັນຂະຫຍາຍຄໍາສັ່ງ ເລກທີ 27/ນຍ; ຄໍາສັ່ງເລກທີ 15/ນຍ, ຄໍາສັ່ງເລກທີ 22/ຄລສພ, ຄໍາສັ່ງເລກທີ 1470/ປກສ ແລະ ຈັດຕັ້ງປະຕິບັດ 1 ແຜນງານ, 4 ໂຄງການ ແລະ 16 ແຜນວຽກຂອງກົມໃຫຍ່ຕໍາຫຼວດສາມາດ ແກ້ໄຂປົ້າໝາຍລາຍໃຫຍ່ໄດ້ຫຼາຍຄະດີ, ແຕ່ເຖິງຢ່າງໃດກໍ່ຕາມບັນຫາປະກົດການຫຍໍ້ທໍ້ທາງສັງຄົມ ກໍ່ຍັງເກີດຂຶ້ນຢູ່ ເປັນຕົ້ນໃນປີ 2020 ຄະດີອາຍາທົ່ວປະເທດເກີດຂຶ້ນ ທັງໝົດມີ 6.209 ເລື່ອງ, ມ້າງໄດ້ 5.191 ເລື່ອງ, ຜູ້ຖືກຫາ 7.674 ຄົນ ຍິງ 999 ຄົນ, ຄົນຕ່າງປະເທດ 117 ຄົນ ຍິງ 14 ຄົນ (ທຽບໃສ່ປີ 2019 ຄະດີຫຼຸດລົງ 1.436 ເລື່ອງ), ຄະດີທີ່ພົ້ນເດັ່ນ ແລະ ເພີ່ມຂຶ້ນຫຼາຍ ເຊັ່ນ: ບັນຫາຄ້າ-ຂາຍຢາເສບຕິດ, ຄາດຕະກໍາ, ລັກພາຕົວ, ປຸ້ນຊັບ, ຊິງຊັບ, ລັກຊັບ ແລະ ບັນຫາອື່ນໆ ຫຼາຍກວ່າໝູ່ແມ່ນບັນຫາຢາເສບຕິດ 3.519 ເລື່ອງ, ຄະດີເສດຖະກິດ 311 ເລື່ອງ ແລະ ຊິງຊັບພົນລະເມືອງ 153 ເລື່ອງ (ລົດຈັກເສຍ 903 ຄັນ, ລົດໃຫຍ່ 03 ຄັນ).

ໃນນີ້ອຸບັດຕິເຫດທົ່ວປະເທດເກີດຂຶ້ນທັງໝົດ 5.399 ເລື່ອງ, ພາຫະນະເປ່ເພ 9.578 ຄັນ, ຮັບບາດເຈັບ 7.897 ຄົນ, ເສຍຊີວິດ 824 ຄົນ (ທຽບໃສ່ປີ 2019 ອຸປະຕິເຫດຫຼຸດລົງ 1.217 ເລື່ອງ, ຄົນເສຍຊີວິດຫຼຸດລົງ 310 ຄົນ), ສະເພາະນະຄອນຫຼວງວຽງຈັນ ອຸບັດຕິເຫດເກີດຂຶ້ນ 913 ເລື່ອງ, ພາຫະນະເປ່ເພ 1.823 ຄັນ, ຮັບ ບາດເຈັບ 955ຄົນ, ເສຍຊີວິດ 152 ຄົນ ແລະ ອັກຄີໄພທົ່ວປະເທດເກີດຂຶ້ນທັງໝົດ: 158 ຄັ້ງ, ຜົນເສຍຫາຍ: ຄົນເສຍຊີວິດ 10 ຄົນ, ບາດເຈັບ 4 ຄົນ, ເຮືອນ 87 ຫຼັງ, ເຮືອນຖືກລວກ 19 ຫຼັງ, ຫໍພັກ 10 ຫ້ອງ, ກຸດຕິວັດ 10 ຫຼັງ, ໂຮງຮຽນ 10 ຫຼັງ, ໂຮງເຟີນີເຈີ 2 ຫຼັງ, ໂຮງສີເຂົ້າ 1 ຫຼັງ, ສາງເກັບເຄື່ອງ 4 ຫຼັງ, ຮ້ານຂາຍເຄື່ອງ 15 ຮ້ານ, ຮ້ານອາຫານ 2 ຮ້ານ, ຮ້ານບັນເທິງ 1 ຮ້ານ, ລົດໃຫຍ່ 21 ຄັນ, ລົດຈັກ 10 ຄັນ, ລົດໄຖຸນາ 5 ຄັນ ແລະ ວັດຖຸອື່ນໆ ສາເຫດເກີດຈາກໄຟຟ້າລັດວົງຈອນ 73 ຄັ້ງ, ເລີນເລີ້ຂາດສະຕິ 32 ຄັ້ງ, ຮັບຜິດຊອບ 21 ຄັ້ງ, ຄົນຈຸດ 14 ຄັ້ງ, ຜີດພາດທາງເຕັກນິກ 3 ຄັ້ງ, ຍັງສືບສວນ-ສອບສວນ 15 ຄັ້ງ (ທຽບໃສ່ປີ 2019 ອັກຄີໄພ ຫຼຸດລົງ 119 ຄັ້ງ) ມູນຄ່າເສຍຫາຍປະມານ 131.000.384.000.000 ກີບ.

ສຳລັບຄະດີຢາເສບຕິດທົ່ວປະເທດເກີດຂຶ້ນທັງໝົດ 3.519 ເລື່ອງ, ກັກຜູ້ຖືກຫາ 4.984 ຄົນ ຍິງ 999 ຄົນ, ຄົນຕ່າງປະເທດ 177 ຄົນ, ຍິງ 14 ຄົນ (ທຽບໃສ່ປີຜ່ານມາຄະດີຢາເສບຕິດຫຼຸດລົງ 438 ເລື່ອງ) ຢຶດຂອງກາງ ໄດ້ເຮໂຣອິນ 380,67 ກິໂລກຼາມ, ຢາບ້າ 1.617,47 ກິໂລກຼາມ, ຢາຝິ່ນ 55,73 ກິໂລກຼາມ, ກັນຊາ 4.400,10 ກິ ໂລກຼາມ, ຢາໄອສ໌ 3.476,93 ກິໂລກຼາມ, ແປ້ງຝຸ່ນ 9,8 ກິໂລກຼາມ, ລົດໃຫຍ່ 145 ຄັນ, ລົດຈັກ 715 ຄັນ, ເຮືອ2 ລໍາ, ອາວຸດປືນ 92 ກະບອກ, ລູກປິ່ນ 443 ລູກ, ໝາກແຕກ 2 ໜ່ວຍ ແລະ ເງິນ, ຄໍາ ອີກຫຼາຍລາຍການ.

 

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ