Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

       ກອງປະຊຸມສຸດຍອດອາຊຽນຄັ້ງທີ 37 ແບບທາງໄກ

ກອງປະຊຸມສຸດຍອດອາຊຽນຄັ້ງທີ 37 (ແບບຄົບຄະນະ) ແລະ ກອງປະຊຸມ ສຸດຍອດ ອື່ນທີ່ກ່ຽວຂ້ອງແບບ ທາງໄກ ( ຜ່ານວີດີໂອອອນລາຍ ) ໄດ້ເປີດຢ່າງເປັນທາງການໃນຕອນເຊົ້າຂອງວັນທີ 12 ພະຈິກ 2020 ພາຍໃຕ້ ການເປັນປະທານຂອງ ທ່ານ ຫງວຽນ ຊວນ ຟຸກ, ນາຍົກລັດຖະມົນຕີ ແຫ່ງ ສສ ຫວຽດນາມ ໃນຖານະປະທານ ໝູນວຽນອາຊຽນ ປີ 2020, ຝ່າຍລາວ ນຳພາຄະນະເຂົ້າຮ່ວມໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ລປປ ລາວ, ມີບັນດານາຍົກລັດຖະມົນຕີປະເທດກ່ຽວຂ້ອງເຂົ້າຮ່ວມ.

       ໃນກອງປະຊຸມ ບັນດາຜູ້ນໍາອາຊຽນ ໄດ້ຕີລາຄາສູງຕໍ່ຄວາມພະຍາຍາມ ແລະ ຄວາມສາມັກຄີເປັນປຶກແຜ່ນ ຂອງອາຊຽນ ໃນການສືບຕໍ່ສະກັດກັ້ນ, ຄວບຄຸມ, ແກ້ໄຂ ແລະ ຟື້ນຟູຜົນກະທົບດ້ານຕ່າງໆຂອງພະຍາດໂຄວິດ-19. ໂດຍສະເພາະການສ້າງຕັ້ງກອງທຶນ ຕອບໂຕ້ພະຍາດໂຄວິດ-19; ຄັງແຮຢາປົວພະຍາດ ແລະ ອຸປະກອນການແພດ ສໍາລັບພາວະສຸກເສີນ ສາທາລະນະສຸກພາກພື້ນອາຊຽນ. ພ້ອມນັ້ນ, ກໍໄດ້ສະແດງຄວາມຊົມເຊີຍຕໍ່ການຜັນຂະຫຍາຍ ບູລິມະສິດໃນການເປັນປະທານອາຊຽນຂອງ ຫວຽດນາມ ໂດຍສະເພາະການຮັດແໜ້ນຄວາມສາມັກຄີ, ຄວາມເປັນ ເອກະພາບຂອງອາຊຽນ, ສົ່ງເສີມຄວາມເປັນແກນກາງຂອງອາຊຽນ ແລະ ການປະກອບສ່ວນເຂົ້າໃນການປົກປັກຮັກ ສາສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາຂອງພາກພື້ນ ໃນທ່າມກາງສະພາບການທີ່ຜັນ ແປຢ່າງໄວວາ ແລະ ສະຫຼັບສັບຊ້ອນຂອງໂລກ, ການສົ່ງເສີມເອກະລັກ ຂອງອາຊຽນ, ການຮັດແຄບຄວາມແຕກໂຕນ ດ້ານການພັດທະນາຂອງປະເທດອາຊຽນດ້ວຍກັນ, ການທົບທວນກາງສະໄໝແຜນແມ່ບົດວິໄສທັດປະຊາຄົມອາຊຽນ 2025 ແລະ ແຜນປະຕິບັດງານ ວ່າດ້ວຍການ ເຊື່ອມຈອດອາຊຽນ 2025.

       ນອກນັ້ນ, ຜູ້ນໍາອາຊຽນຍັງໄດ້ພ້ອມກັນປຶກສາຫາລື ແລະ ແລກປ່ຽນຄໍາຄິຄໍາເຫັນ ກ່ຽວກັບການສືບຕໍ່ສ້າງ ປະຊາຄົມອາຊຽນ ໃຫ້ມີຄວາມເຂັ້ມແຂງ ແລະ ຍືນຍົງໃນຕໍ່ໜ້າບົນຈິດໃຈ: ອາຊຽນທີ່ໜຽວແໜ້ນ ແລະ ຕອບ ສະໜອງຕໍ່ສະພາບການ ແລະ ໄດ້ເຫັນດີເປັນເອກະພາບໃນການສືບຕໍ່ຮັດແໜ້ນການຮ່ວມມືຢ່າງ ໃກ້ຊິດກັບບັນດາ ຄູ່ຮ່ວມເຈລະຈາ ກໍຄືຄູ່ຮ່ວມມືພາຍນອກອາຊຽນ ແນໃສ່ສົ່ງເສີມການຮ່ວມມື ເພື່ອການພັດທະນາ, ໂດຍຜ່ານບັນດາ ກົນໄກທີ່ອາຊຽນເປັນຜູ້ນຳພາ. ໃນໂອກາດນີ້, ຜູ້ນຳອາຊຽນ ກໍໄດ້ສະແດງຄວາມຍິນດີຕໍ່ການຮັບເອົາກູບາ, ໂກໂລມບີ ແລະ ອາຟຣິກາໃຕ້ເຂົ້າເປັນພາຄີຂອງສົນທິສັນຍາໄມຕີຈິດ ແລະ ການຮ່ວມມືຢູ່ອາຊີຕາເວັນອອກສ່ຽງໃຕ້ ຫຼື ທີເອຊີ. ບັນດາຜູ້ນໍາອາຊຽນ ຍັງໄດ້ແລກປ່ຽນທັດສະນະຕໍ່ບັນຫາທີ່ພົ້ນເດັ່ນຢູ່ພາກພື້ນ ແລະ ສາກົນທີ່ມີຄວາມສົນໃຈຮ່ວມ ກັນ.

      ໃນໂອກາດດັ່ງກ່າວ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຍັງໄດ້ປະກອບຄໍາເຫັນ ໂດຍໄດ້ຕີລາຄາສູງຕໍ່ຜົນສຳເລັດຂອງອາຊຽນ ຜ່ານມາ ແລະ ການເປັນປະທານອາຊຽນຂອງ ຫວຽດນາມ ໃນປີ 2020, ພ້ອມທັງ ສະເໜີຊຸກຍູ້ໃຫ້ອາຊຽນ ສືບຕໍ່ເລັ່ງຟື້ນຟູບັນດາຂົງເຂດທີ່ໄດ້ຮັບຜົນກະທົບຈາກພະຍາດໂຄວິດ-19 ເປັນຕົ້ນແມ່ນສືບຕໍ່ຮ່ວມມືໃນການຄົ້ນຄວ້າ ແລະ ພັດທະນາ, ຜະລິດຢາປິ່ນປົວ ພະຍາດໂຄວິດ ກໍຄືຢາວັກແຊັງ ໃຫ້ໄດ້ໂດຍໄວ, ສືບຕໍ່ຊຸກຍູ້ການເຮັດວຽກຮ່ວມກັນແນໃສ່ສົ່ງເສີມ ເສດຖະກິດພາຍໃນອາຊຽນ, ການສະໜອງແບບ ຕ່ອງໂສ້ດ້ານການຄ້າ, ການສ້າງເງື່ອນໄຂເອື້ອອຳນວຍ ໃຫ້ແກ່ຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs) ໂດຍສະເພາະການເຂົ້າເຖິງແຫຼ່ງທຶນ ແລະ ເຕັກໂນໂລຊີທີ່ທັນສະໄໝ ເພື່ອສາມາດຂັບເຄື່ອນທຸລະກິດ ແລະ ການຜະລິດສິນຄ້າໄດ້ຢ່າງເຕັມສ່ວນລວມທັງຫັນໄປສູ່ການເປັນດີຈີຕອນ ແລະ ຟື້ນຟູການສະໜອງແບບຕ່ອງ ໂສ້ ດ້ານການເຊື່ອມຈອດ ແລະ ການຄົມມະນາຄົມຂົນສົ່ງທາງບົກ, ທາງນ້ຳ ແລະ ທາງອາກາດ, ລວມທັງການ ບໍລິການ ແລະ ການສະໜອງສິນຄ້າອຸປະໂພກ ແລະ ບໍລິໂພກເປັນຕົ້ນ.

       ພິເສດ, ໃນໂອກາດກອງປະຊຸມສຸດຍອດອາຊຽນ ຄັ້ງທີ 37, ບັນດາຜູ້ນຳອາຊຽນໄດ້ເຂົ້າຮ່ວມ ເປັນສັກຂີພະ ຍານໃນພິທີປະກາດເປັນທາງການ ການທົບທວນກາງສະໄໝແຜນແມ່ບົດວິໄສທັດປະຊາຄົມອາຊຽນ 2025, ພິທີ ປະກາດເປັນທາງການແຜນຟື້ນຟູຮອບດ້ານອາຊຽນ ແລະ ແຜນຈັດຕັ້ງປະຕິບັດ ແລະ ພິທີປະກາດສ້າງຕັ້ງຄັງແຮຢາ ປົວພະຍາດ ແລະ ອຸປະກອນການແພດ ສໍາລັບພາວະສຸກເສີນ ດ້ານສາທາລະນະສຸກພາກພື້ນອາຊຽນ, ຮັບຮອງເອົາ 6 ເອກະສານສຳຄັນ ຄື: 1. ຖະແຫຼງການຮ່າໂນ້ຍ ວ່າດ້ວຍປະຊາຄົມອາຊຽນ ຫຼັງປີ 2025; 2.ຖະແຫຼງການ ຮ່າໂນ້ຍ ວ່າດ້ວຍການຮັບຮອງເອົາຂໍ້ລິເລີ່ມ ເພື່ອການເຊື່ອມໂຍງອາຊຽນ ສະບັບທີ 4 (2021-2025); 3. ຖະແຫຼງການອາ ຊຽນວ່າດ້ວຍການສ້າງແລວການເດີນທາງພິເສດພາຍໃນອາຊຽນ; 4. ຖະແຫຼງການອາຊຽນ ວ່າດ້ວຍ ການທ່ອງທ່ຽວ ໃນຮູບແບບດີຈີຕອນ; 5. ການຍົກສູງເອກະລັກອາຊຽນ; ແລະ 6. ຖະແຫຼງການຮ່າໂນ້ຍວ່າດ້ວຍການສ້າງຄວາມ ເຂັ້ມແຂງວຽກງານສັງຄົມສົງເຄາະເພື່ອກ້າວໄປສູ່ປະຊາຄົມອາຊຽນທີ່ເຂັ້ມແຂງ ແລະ ຕອບສະໜອງຕໍ່ສະພາບການ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ