• ຂ່າວເດັ່ນ
• ລ້ຽງດູກຳລັງ
• ວຽກງານຂະບວນການ
• ສອບຖາມ-ພົວພັນ
• ນິຕິກຳ
• ອົງການຈັດຕັ້ງມະຫານຊົນ

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

       ເຊື່ອມຊຶມນິຕິກຳກຽ່ວກັບບັນດາເອກະສານການຄຸ້ມຄອງ-ຈັດເກັບລາຍຮັບຜ່ານປະຕູດຽວ

   ກອງບັນຊາການ ປກສ ແຂວງຈຳປາສັກ ໄດ້ຈັດກອງປະຊຸມເຊື່ອມຊຶມນິຕິກໍາກ່ຽວກັບບັນດາເອກະສານການ ຄຸ້ມຄອງ ແລະ ຈັດເກັບລາຍຮັບຜ່ານປະຕູດຽວ ທົ່ວແຂວງຈໍາປາສັກ ໃນອາທິດຜ່ານມາ, ໂດຍການເຂົ້າຮວ່ມຂອງ ພັອ ຖາວອນ ບຸນກອງພິມ ຫົວໜ້າກອງບັນຊາການ ປກສ ແຂວງຈຳປາສັກ, ມີຄະນະຫ້ອງ, ກອງບັນຊາການ ປກສ ເມືອງ, ປກສ ນະຄອນປາກເຊ, ໂຮງຮຽນ ປກສ ຊັ້ນສູງເລກ 4, ກອງພັນປ້ອງກັນເຄື່ອນທີ່ ແລະ ພະນັກງານວິຊາການ ເຂົ້າຮ່ວມ.

   ພັທ ບຸນເລີດ ແກ້ວບົວພາ ຫົວໜ້າຫ້ອງພະລາທິການ ປກສ ແຂວງຈໍາປາສັກ ກ່າວວ່າ: ຈຸດປະສົງໃນການ  ເຊື່ອມຊຶມບັນດາເອກະສານການຄຸ້ມຄອງ ແລະ ຈັດເກັບລາຍຮັບຜ່ານປະຕູດຽວໃນຄັ້ງນີ້ ກໍເພື່ອແນໃສ່ໃຫ້ບັນດາ ກົມກອງອ້ອມຂ້າງ ປກສ ແຂວງ ເວົ້າລວມເວົ້າສະເພາະແມ່ນເຮັດໃຫ້ພະນັກງານວິຊາການຮັບຮູ້ ແລະ ເຂົ້າໃຈ ເພື່ອ ເປັນບ່ອນອີງໃນການຈັດຕັ້ງປະຕິບັດໃຫ້ມີຄວາມເປັນເອກະພາບຖືກຕ້ອງ ແລະ ສອດຄ່ອງກັບວຽກງານການເງິນທີ່ ໄດ້ກຳນົດໄວ້ ແລະ ເພື່ອແນໃສ່ຫັນເຂົ້າສູ່ລະບົບບັນຊີລາຍຮັບ ໂດຍຜ່ານປະຕູດຽວທັງນີ້ ກໍເພື່ອເຮັດໃຫ້ການຄຸ້ມ ຄອງ, ການຕິດຕາມ, ການກວດກາ, ການເກັບລາຍຮັບ, ຄ່າທຳນຽມ, ຄ່າບໍລິການ, ຄ່າປັບໃໝ ແລະ ລາຍຮັບອື່ນໆ ທີ່ໄດ້ຈັດຕັ້ງການເກັບຜ່ານມາຫັນເຂົ້າລວມສູນຜ່ານປະຕູດຽວຕາມທິດທາງອັນດຽວກັນ ພ້ອມທັງເຮັດໃຫ້ວຽກງານ ການຈັດຕັ້ງປະຕິບັດໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້.

   ໃນກອງປະຊຸມ, ພັອ ຖາວອນ ບຸນກອງພິມ ຍັງໄດ້ໂອ້ລົມ ເຊິ່ງທ່ານໄດ້ເໜັ້ນໜັກໃຫ້ບັນດາຄະນະພັກ-ຄະນະບັນຊາແຕ່ລະຂັ້ນຕະຫຼອດຮອດພະນັກງານວິຊາການ ຕ້ອງໄດ້ເອົາໃຈໃສ່ຢ່າງເລິກເຊິ່ງໃນການຈັດຕັ້ງປະຕິບັດ ດ້ວຍຄວາມຮັບຜິດຊອບສູງ ໂດຍສະເພາະການເກັບລາຍຮັບ-ລາຍຈ່າຍ ໂດຍຜ່ານປະຕູດຽວ ເຊິ່ງຕ້ອງໄດ້ມີການຄຸ້ມ ຄອງ, ການຕິດຕາມ, ການກວດການເກັບລາຍຮັບ ເພື່ອແນໃສ່ໃຫ້ມີຄວາມເປັນເອກະພາບ, ຖືກຕ້ອງ ແລະ ສອດ ຄ່ອງຕາມທີ່ໄດ້ກຳນົດໄວ້.

ເລືອກພາສາ:

  |

ດາວໂຫຼດພາສາລາວ

ເພັດຊະຣາດ OT

ຂັ້ນຕອນ Save ພາສາລາວ