Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

      ບັນຈຸກຳລັງ 300 ກວ່າສະຫາຍ ອຳນວຍຄວາມສະດວກການສັນຈອນ ບຸນພຣະທາດຫຼວງ

 

          ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ບັນຈຸກຳລັງ 300 ກວ່າສະຫາຍ ເຂົ້າຈຸດປ້ອງກັນງານ ບຸນພຣະທາດຫຼວງ ປະຈໍາປີ 2020 ໃນລະຫວ່າງວັນທີ 29-31 ຕຸລານີ້, ເພື່ອອຳນວຍຄວາມສະດວກ ແລະ ແກ້ໄຂ ບັນຫາຈະລາຈອນແອອັດ ຢູ່ບັນດາເສັ້ນທາງຕ່າງໆ.

ພັທ ທອງສະຫວັນ ນາມວົງ ຮອງຫົວໜ້າພະແນກ ຕໍາຫຼວດຈະລາຈອນ ນະຄອນຫຼວງວຽງຈັນ ກ່າວໃນ ກອງປະຊຸມຜ່ານແຜນປ້ອງກັນງານບຸນພຣະທາດຫຼວງວຽງຈັນ ໃນວັນທີ 26 ຕຸລາ 2020 ວ່າ: ງານບຸນພຣະທາດ ຫຼວງປີນີ້ ຄາດວ່າສະພາບການສັນຈອນຈະມີຄວາມແອອັດ, ຊັບສົນຢູ່ບາງເສັ້ນທາງ ເປັນຕົ້ນແມ່ນ: ເສັ້ນທາງໜອງ ບອນ, ຖະໜົນທາດຫຼວງ, ກໍາແພງເມືອງ, ຖະໜົນໄກສອນ, ໂພນໄຊ, 23 ສິງຫາ  ແລະອື່ນໆ; ດັ່ງນັ້ນ, ເພື່ອອຳນວຍ ຄວາມສະດວກໃຫ້ແກ້ຜູ້ໃຊ້ລົດ-ໃຊ້ຖະໜົນໃນໄລຍະງານດັ່ງກ່າວ ເຈົ້າໜ້າທີ່ພະແນກຕໍາຫຼວດຈະລາຈອນ ໄດ້ສົມທົບ ກັບຈະລາຈອນ 9 ເມືອງ ລົງປະຈໍາຢູ່ 68 ຈຸດປ້ອງກັນ; ໃນນີ້, ລວມມີວົງໃນ 47 ຈຸດ ແລະ ວົງນອກ 21 ຈຸດ ລວມ ຈໍານວນພົນທັງໝົດ 336 ສະຫາຍ ທີ່ ປະຈໍາຢູ່ຕາມງານບຸນ ແລະ ສາຍທາງຕ່າງໆ ເພື່ອເຮັດໜ້າທີ່ອໍານວຍຄວາມ ສະດວກໃຫ້ຜູ້ຂັບຂີ່ ແລະ ນັກທ່ອງທ່ຽວ ທີ່ມາທ່ຽວຊົມງານບຸນ ໃຫ້ສາມາດສັນຈອນໄປ-ມາ ໄດ້ຍ່າງສະດວກໃນ ໄລຍະບຸນດັ່ງກ່າວ.

ໂອກາດດຽວກັນ, ພັທ ສຸລິວັນ ລາດສະວົງ ຫົວໜ້າຫ້ອງຕໍາຫຼວດ ກອງບັນຊາການ ປກສ ນະຄອນຫຼວງ ວຽງຈັນ ກໍໄດ້ເນັ້ນໃຫ້ກຳລັງຈະລາຈອນ ທົ່ວນະຄອນຫຼວງວຽງຈັນ ທີ່ລົງປະຕິບັດໜ້າທີ່ ຈົ່ງເອົາໃຈໃສ່ໃນການລະ ບາຍການສັນຈອນໃຫ້ຜູ້ໃຊ້ລົດ-ໃຊ້ຖະໜົນ, ຈັດສັນຄວາມບໍ່ເປັນລະບຽບຮຽບຮ້ອຍຢູ່ຕາມເສັ້ນທາງ ເພື່ອຮັບປະກັນ ໃຫ້ການສັນຈອນໃນໄລຍະງານດັ່ງກ່າວມີຄວາມສະດວກໃນການສັນຈອນ; ນອກນີ້, ຕ້ອງມີການຄວບຄຸມບໍ່ໃຫ້ນັກ ຂັບຂີ່ດື່ມສິ່ງມືນເມົາແລ້ວຂັບຂີ່ຍານພາຫະນະ, ຄວບຄຸມບໍ່ໃຫ້ນັກຂັບຂີ່ໃຊ້ຄວາມໄວເກີນກໍານົດ ໂດຍມີການຕັ້ງ ດ່ານກວດກາກັນຍ່າງຄັກແນ່ໃນແຕ່ລະວັນ ເພື່ອເຮັດໃຫ້ບັນຫາການເກີດອຸບັດຕິເຫດຕາມທ້ອງຖະໜົນຫຼຸດລົງ.

 

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ