• ຂ່າວເດັ່ນ
• ລ້ຽງດູກຳລັງ
• ວຽກງານຂະບວນການ
• ສອບຖາມ-ພົວພັນ
• ນິຕິກຳ
• ອົງການຈັດຕັ້ງມະຫານຊົນ

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

      ປຶກສາຫາລືຄົ້ນຄວ້າການສ້າງຫຼັກສູດ

ປະລິນຍາຕີຍົກສະຖານະ ຮທມ ຂຶ້ນເປັນວິທະຍາຄານ

ກອງປະຊຸມປຶກສາຫາລື ຄົ້ນຄວ້າການສ້າງຫຼັກສູດປະລິນຍາຕີ ຍົກສະຖານະໂຮງຮຽນທິດສະດີການເມືອງ ປກສ ( ຮທມ ) ຂຶ້ນເປັນວິທະຍາຄານການເມືອງ ປກສ ໄດ້ຈັດຂຶ້ນໃນວັນທີ 5 ກຸມພາ 2021 ໂດຍການເປັນ ປະທານຂອງ ພັອ ປອ ຊາຍຄອງ ເພັດຊະວົງ ອໍານວຍການໂຮງຮຽນທິດສະດີການເມືອງ ປກສ, ເປັນກຽດເຂົ້າຮ່ວມ ຂອງ ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງ ປກສ, ມີຄະນະພັກ-ຄະນະອໍານວຍການພ້ອມດ້ວຍພາກ ສ່ວນທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມ, ບັນດາຄະນະຮັບຜິດຊອບ, ອະນຸກໍາມະການເນື້ອໃນ,​ສ້າງບົດວິພາກ, ຫຼັກສູດ ແລະ ຕໍາລາ ໄດ້ມີການປຶກສາຫາລືຄົ້ນຄວ້າ ໂດຍມີການກໍານົດທີ່ຕັ້ງ,​ ພາລະບົດບາດ, ໜ້າທີ່ ແລະ ຂອບເຂດສິດ; ໂຄງປະກອບ ການຈັດຕັ້ງ ແລະ ບຸກຄະລາກອນ ຕະຫຼອດຮອດລະບອບແບບແຜນວິທີການເຮັດວຽກຢ່າງລະອຽດຖີ່ຖ້ວນ ທັງນີ້ກໍ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານປ້ອງກັນຄວາມສະຫງົບ ໃນພາລະກິດປ່ຽນແປງໃໝ່ ເພື່ອ ແນໃສ່ກໍ່ສ້າງຖັນແຖວພະນັກງານສືບທອດ ໃຫ້ມີຫຼັກໝັ້ນການເມືອງທີ່ໜັກແໜ້ນ, ມີທັດສະນະວິໄສທັດທີ່ມີວິທະ ຍາສາດ, ມີຄວາມສາມາດຕໍ່ການວາງແຜນຍຸດທະສາດ ແລະ ການຈັດຕັ້ງປະຕິບັດແນວທາງຂອງພັກ: ມີຄຸນສົມບັດ ສິນທໍາປະຕິວັດ, ມີແບບແຜນກໍ່ສ້າງຊີວິດທີ່ປອດໃສຂາວສະອາດ ແລະ ມີເເບບແຜນເຮັດວຽກ ທີ່ມີວິທະຍາສາດ, ກຽມພ້ອມຮັບໃຊ້ຊາດ ແລະ ປະຊາຊົນ.

ສໍາລັບຫຼັກສູດນີ້ເລີ່ມນຳໃຊ້ໃນສົກຮຽນ 2022-2023 ຢ່າງເປັນທາງການ ເມື່ອສໍາເລັດການສ້າງຕັ້ງວິທະ ຍາຄານການເມືອງ ປ້ອງກັນຄວາມສະຫງົບ, ການກໍ່ສ້າງລະບົບປະລິນຍາຕີຕາມຫຼັກສູດທີ່ໄດ້ກໍານົດໄວ້ກໍໄດ້ມີການ ປະເມີນຜົນ ແລະ ມີຄວາມຈຳເປັນຕ້ອງໄດ້ມີການສ້າງຫຼັກສູດ ໂດຍແທດເໝາະກັບສະພາບການໃນໄລຍະໃໝ່, ສະ ນັ້ນ, ຫຼັກສູດທີ່ໄດ້ຮັບການສ້າງໃນຄັ້ງນີ້ຈະໄດ້ເປີດສອນນັບແຕ່ສົກຮຽນ 2024-2025 ເປັນຕົ້ນໄປ.

ໂອກາດດັ່ງກ່າວ, ພົຕ ວັນທອງ ກອງມະນີ ກໍໄດ້ໃຫ້ກຽດໂອ້ລົມເຊິ່ງທ່ານໄດ້ຍົກໃຫ້ເຫັນວ່າ: ບົນພື້ນຖານ ການເຕີບໃຫຍ່ຂະຫຍາຍຕົວ ຂອງກໍາລັງປ້ອງກັນຄວາມສະຫງົບ, ການເຕີບໃຫຍ່ຂະຫຍາຍຕົວທາງດ້ານການສຶກສາ, ເຕັກນິກ ແລະ ເຕັກໂນໂລຢີໃນຍຸກສະໄໝປັດຈຸບັນ ຈຳເປັນຕ້ອງໄດ້ຍົກສະຖານະນາມໂຮງຮຽນ ທິດສະດີການເມືອງ ປ້ອງກັນຄວາມສະຫງົບ ຂຶ້ນເປັນວິທະຍາຄານການເມືອງ, ຄະນະນໍາກະຊວງປ້ອງກັນຄວາມສະຫງົບ, ກົມໃຫຍ່ການ ເມືອງປ້ອງກັນຄວາມສະຫງົບ ແລະ ຄະນະອໍານວຍການໂຮງຮຽນທິດສະດີການເມືອງປ້ອງກັນຄວາມສະຫງົບ ຈຶ່ງໄດ້ ຊີ້ນຳການປັບປຸງຫຼັກສູດປະລິນຍາການເມືອງ-ການບັນຊາ ເພື່ອໃຫ້ທັນສະໄໝ ແລະ ສອດຄ່ອງກັບລະບົບຫຼັກສູດ ການສຶກສາແຫ່ງຊາດທີ່ກະຊວງສຶກສາທິການໄດ້ກຳນົດໄວ້ ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການຂອງ ວຽກງານປ້ອງກັນຄວາມສະຫງົບ ແລະ ສາມາດນໍາໃຊ້ໄດ້ຍາວນານ

ເລືອກພາສາ:

  |

ດາວໂຫຼດພາສາລາວ

ເພັດຊະຣາດ OT

ຂັ້ນຕອນ Save ພາສາລາວ