Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

    ຜ່ານແຜນເຄື່ອນໄຫວໂຄສະນາປະດັບປະດາ-ປາຖະກະຖາວັນສ້າງຕັ້ງກໍາລັງ ປກສ ຄົບຮອບ 60 ປີ

          ກະຊວງ ປກສ ໄດ້ຜ່ານແຜນການເຄື່ອນໄຫວໂຄສະນາປະດັບປະດາ-ປາຖະກະຖາ ແລະ ດໍາເນີນຊີວິດການ ເມືອງ ໃນໂອກາດວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ຄົບຮອບ 60 ( 5 ເມສາ 1961-5 ເມສາ 2021 ) ໃນວັນທີ 17 ພະຈິກ 2020 ເປັນປະທານໂດຍ ພົຕ ວັນທອງ ກອງມະນີ ຮອງເລຂາຄະນະພັກກະຊວງ ຫົວໜ້າກົມໃຫຍ່ການເມືອງ ປກສ ທັງເປັນຫົວໜ້າອະນຸກໍາມະການໂຄສະນາປາຖະກະຖາ ແລະ ດໍາເນີນການຊີວິດ ການເມືອງ, ມີຕາງໜ້າກົມກອງອ້ອມຂ້າງກະຊວງ, ອະນຸກໍາມະການ ແລະ ຄະນະຮັບຜິດຊອບເຂົ້າຮ່ວມ.

          ພັອ ສອນພະຈັນ ທໍາມະວົງ ຫົວໜ້າກົມໂຄສະນາອົມຮົມ ກົມໃຫຍ່ການເມືອງ ປກສ ທັງເປັນຄະນະອະນຸ ກໍາມະການໂຄສະນາປາຖະກະຖາ ແລະ ດໍາເນີນການຊີວິດການເມືອງ ໄດ້ຜ່ານແຜນການດັ່ງກ່າວໃຫ້ຮູ້ວ່າ: ເນື້ອໃນ ໂຄສະນາ-ປາຖະກະຖາ ແລະ ດໍາເນີນຊີວິດການເມືອງ ແມ່ນການປົກປັກຮັກສາ ແລະ ເສີມຂະຫຍາຍທາດແທ້-ມູນ ເຊື້ອອັນສະຫງ່າງາມຂອງກໍາລັງປ້ອງກັນຄວາມສະຫງົບປະຊາຊົນ ຄົບຮອບ 60 ປີ ພາຍໃຕ້ການນໍາພາໂດຍກົງ, ເດັດ ຂາດ ແລະ ຮອບດ້ານຂອງພັກປະຊາຊົນປະຕິວັດລາວ; ໂດຍມີການນຳເອົາເອກະສານສຳຄັນມາເຜີຍ ແຜ່ປາຖະກະຖາ ເຊັ່ນ: ເອກະສານສຶກສາອົບຮົມ ກ່ຽວກັບວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ຄົບຮອບ 60 ປີ ໂດຍຕິດພັນກັບບັນດາເຫດການທາງປະຫວັດສາດ ແລະ ການແກ້ໄຂລາຍຄະດີໃຫຍ່ໆ ທີ່ຜູ້ປາຖະກະຖາໄດ້ເຂົ້າຮ່ວມ ຕົວຈິງ ຫຼື ເກັບກໍາຂໍ້ມູນໄດ້ຢ່າງລະອຽດ; ເອກະສານຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດຂອງພະນັກງານ-ນັກ ຮົບໃນໄລຍະໃໝ່ ແລະ ເອກະສານປັບປຸງແບບແຜນວິທີເຮັດວຽກ ແລະ ຍົກສູງຄວາມສາມາດການນໍາພາຂອງຄະນະ ພັກ.

ນອກນັ້ນ, ຍັງຈະໂຄສະນາປຸກລະດົມຂະບວນການປະດັບປະດາຕິດທຸງທິວ, ທຸງຢ່ອນ, ປ້າຍຄໍາຂວັນ, ປ້າຍປາ ໂນ-ບິວບອດ-ເອເລັກໂຕຼນິກ (ປ້າຍໄຟຟ້າຕົວໜັງສືເລື່ອນ ຫຼື LED) ຕາມປະຕູໂຂງ, ອ້ອມຮົ້ວທາງເຂົ້າຕຶກກະຊວງ, ຫໍພິພິທະພັນຂອງກໍາລັງປ້ອງກັນຄວາມສະຫງົບ, ສະໂມສອນໃຫຍ່ຂອງກະຊວງ ປກສ ຫຼັງໃໝ່, ຕາມຖະໜົນສາຍຫຼັກ ແລະ ຈຸດສໍາຄັນຕ່າງໆໃນນະຄອນຫຼວງວຽງຈັນເລີ່ມແຕ່ເດືອນມີນາປີ 2021; ປະສານສົມທົບກັບພາກສ່ວນທີ່ກ່ຽວ ຂ້ອງ ເພື່ອອໍານວຍຄວາມສະດວກໃຫ້ແກ່ວຽກງານໂຄສະນາປະດັບປະດາ-ປຸກລະດົມຂະບວນການປະກອບສ່ວນ ຊຸກຍູ້ ໃນໂອກາດສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ຄົບຮອບ 60 ປີ ໃຫ້ກວ້າງຂວາງ ແລະ ຟົດຟື້ນ; ຈັດຕັ້ງໂຄສະນາ-ປາຖະກະຖາຢູ່ກະຊວງ ປກສ ຈໍານວນ 1 ຄັ້ງ; ດໍາເນີນຊີວິດການເມືອງຢູ່ກົມກອງ ອ້ອມຂ້າງກະຊວງ 2 ຊຸດ ແລະ ປກສ ແຂວງ-ນະຄອນຫຼວງ 2 ຊຸດ; ເຮັດຄໍາສັ່ງແນະນໍາຂອງກົມໃຫຍ່ການເມືອງ ປກສ ວ່າດ້ວຍການຈັດຕັ້ງຜັນຂະຫຍາຍໃຫ້ກວ້າງຂວາງ, ເລິກເຊິ່ງໃນຂອບເຂດທົ່ວປະເທດ.

ພ້ອມນີ້ ຍັງໄດ້ຜ່ານແຜນງົບປະມານໃນການເຄື່ອນໄຫວໂຄສະນາປະດັບປະດາ-ປາຖະກະຖາ ແລະ ດໍາເນີນ ຊີວິດການເມືອງຕື່ມອີກ.

  

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ