Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

      

ການແຂ່ງຂັນກິລາເຕະບານຊີງຂັນທ່ານຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວປະຈໍາປີ 2020 ຮອບຊີງຊະນະເລີດ ລະຫວ່າງ ທີມນັກກິລາຊາວ ໜຸ່ມກະຊວງ ປກສ ພົບກັບທີມນັກກິລາ ຊາວໜຸ່ມກະຊວງສຶກສາ ທິການ ແລະ ກິລາ ໄດ້ຈັດຂຶ້ນໃນຕອນແລງຂອງວັນທີ 18 ທັນວາ 2020 ທີ່ເດີນບານ ລ້ານຊ້າງ ບ້ານໜອງໄຮ ເມືອງຫາດຊາຍຟອງ ນະຄອນຫຼວງວຽງຈັນ ທ່າມກາງກອງເຊຍທັງສອງຝ່າຍຢ່າງໜາແໜ້ນ ຈົບການແຂ່ງຂັນເປັນຝ່າຍທີມ ປກສ ຄວ້າແຊັມໄປຄອງດ້ວຍຜົນ 3-2 ປະຕູ.

ການແຂ່ງຂັນເຕັມໄປດ້ວຍບັນຍາກາດເບີກບານມ່ວນຊື່ນທາມກາງກອງເຊຍຮ້ອງເຮຢູ່ຂອບສະໜາມ, ເຊິ່ງທັງ 2 ທີມໄດ້ພັດປ່ຽນກັນບຸກກັນຮັບ,ເປັນຝ່າຍທີມຊາວໜຸ່ມ ປກສ ໄດ້ປະຕູຂຶ້ນນຳກ່ອນ ໃນນາທີ ທີ່ 3 ດ້ວຍການຍິງ ປະຕູຂອງ ສຸທາທອນ ຂຸນບົວລິນ, ຕໍ່ມາທີມ ປກສ ໄດ້ປະຕູຂຶ້ນນຳອີກໃນນາທີ ທີ່ 13. ຈາກນັ້ນທັງສອງທີມກໍຫຼິ້ນ ເກມບຸກໃສ່ກັນຢ່າງເຕັມທີ່ຈົບເວລາຂອງການແຂ່ງຂັນຜົນປະກົດວ່າ: ທີມນັກກິລາຊາວໜຸ່ມກະຊວງ ປກສ ເອົາຊະນະ ທີມນັກກິລາ ຊາວໜຸ່ມກະຊວງສຶກສາ ທິການ ແລະ ກິລາ ດ້ວຍຜົນຄະ ແນນ 3-2 ປະຕູ.

ສໍາລັບຂອງລາງວັນຊະນະເລີດທີມນັກກິລາຊາວໜຸ່ມກະຊວງປກສ ໄດ້ຮັບຂັນລາງວັນ 1 ໜ່ວຍພ້ອມເງິນສົດ ຈໍານວນ 12.000.000 ກີບ ແລະ ຫຼຽນໃຫ້ຄູຝຶກ-ນັກກິລາ 30 ຫຼຽນ ພ້ອມໃບຍ້ອງຍໍ, ອັນດັບທີ 2 ທີມນັກກິລາ ຊາວໜຸ່ມກະຊວງສຶສາທິການ ແລະ ກິລາ ໄດ້ຮັບເງິນສົດ ຈໍານວນ 9.000.000 ກີບ ແລະ ຫຼຽນໃຫ້ຄູຝຶກ-ນັກກິລາ 30 ຫຼ່ຽນ ພ້ອມໃບຍ້ອງຍໍ, ອັນດັບທີ 3 ທີມນັກກິລາຊາວໜຸ່ມທະນາຄານແຫ່ງ ສປປ ລາວ ໄດ້ຮັບເງິນສົດ  7.000. 000 ກີບ ແລະ ຫຼຽນ ໃຫ້ຄູຝຶກ-ນັກກິລາ 30 ຫຼຽນ ພ້ອມໃບຍ້ອງຍໍແລະ ອັນອັບທີ 4 ທີມຊາວໜຸ່ມ ກະຊວງສາທາລະນະສຸກ ໄດ້ຮັບເງິນສົດ ຈໍານວນ 5.000.000 ກີບ ແລະ ຫຼຽນໃຫ້ຄູຝຶກ-ນັກກິ  ລາ 30 ຫຼຽນ ພ້ອມໃບຍ້ອງຍໍໃຫ້ກຽດມອບຂັນລາງວັນ ໂດຍ ທ່ານອາລຸນໄຊ ສູນນະລາດ ເລຂາຄະນະບໍລິຫານງານຊາວໜຸ່ມ ປະ ຊາຊົນ ປະຕິວັດລາວ.

ທ່ານ ບຸນຕາ ເທບພະວົງ ຮອງເລຂາຄະນະບລິຫານງານ ສຊປລ, ປະທານຈັດງານແຂ່ງຂັນ ກ່າວວ່າ: ການຈັດ ງານການແຂ່ງຂັນຄັ້ງນີ້, ກໍເພື່ອເປັນການສ້າງຂະບວນການຂໍ່ານັບຮັບຕ້ອນ ແລະ ເປັນການສະເຫຼີມສະຫຼອງວັນສໍາຄັນ ຂອງຊາດຄື: ວັນຊາດທີ 2 ທັນວາ ຄົບຮອບ 45 ປີ (2 ທັນວາ 1975-2 ທັນວາ 2020), ວັນຄ້າຍວັນເກີດປະທານ ໄກສອນ ພົມ ວິຫານ ຄົບຮອບ 100 ປີ (13 ທັນວາ 1920-13 ທັນວາ 2020) ແລະ ຍັງເປັນການສ້າງຜົນງານ ຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ແລະ ກອງປະຊຸມໃຫຍ່ ຄັ້ງທີ XI ຂອງພັກ ທີ່ຈະໄດ້ຈັດຂຶ້ນໃນຕໍ່ໜ້ານີ້, ນອກນີ້; ຍັງເປັນການເຕົ້າໂຮມຄວມສາມັກຄີ ລະຫວ່າງ ຄະນະບໍລິຫານງານພັກກະຊວງ, ອົງການ, ພ້ອມດ້ວຍຄະນະຊາວໜຸ່ມ ແລະ ສະມາຊິກຊາວ ໜຸ່ມບັນດາກະຊວງ, ອົງການ, ນະຄອນຫຼວງ ໄດ້ມີໂອກາດ ພົບປະຮັດແໜ້ນຄວາມສາມັກຄີ, ສ້າງມິດຕະພາບຫຼາຍຂຶ້ນ, ທັງເປັນການສົ່ງເສີມສຸຂະພາບຂອງສະມາຊິກຊາວໜຸ່ມ, ພະນັກງານ-ລັດຖະກອນ ໃຫ້ມີຄວາມແຂງແຮງກຽມ ພ້ອມປະຕິບັດໜ້າທີ່ການເມືອງຂອງຕົນ ໃຫ້ມີຄວາມສໍາເລັດ ພ້ອມກັນສ້າງການຫັນປ່ຽນຢ່າງ ຮອບດ້ານເພື່ອພັດທະນາປະເທດ ຊາດ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ