• ຂ່າວເດັ່ນ
• ລ້ຽງດູກຳລັງ
• ວຽກງານຂະບວນການ
• ສອບຖາມ-ພົວພັນ
• ນິຕິກຳ
• ອົງການຈັດຕັ້ງມະຫານຊົນ

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ໄດ້ເນັ້ນໃຫ້ກຳລັງລັດວິສາຫະກິດບໍລິການຄວາມ ປອດໄພ (ລປພ) ໃນຂອບເຂດທົ່ວປະເທດເພີ່ມ  ທະວີຄວາມຮັບຜິດຊອບໃນການປະຕິບັດໜ້າທີ່ຮັກສາຄວາມປອດ ໄພໃຫ້ມີຄຸນນະພາບ ເພື່ອຮັບໃຊ້ໃຫ້ແກ່ສັງຄົມກໍຄືການບໍລການລູກຄ້າໃຫ້ມີຄວາມປອດໄພ 100%.

ທ່ານຮອງລັດຖະມົນຕີກະຊວງ ປກສ ໄດ້ກ່າວເນັ້ນໃນໂອ ກາດເຂົ້າຮ່ວມກອງປະຊຸມສະຫຼຸບວຽກງານວິສາຫະກິດ ຮັກສາຄວາມປອດໄພທົ່ວປະເທດ ຄັ້ງທີ  V  ທີ່ຈັດຂຶ້ນໃນວັນທີ 17 ທັນວາ 2020 (ມື້ທີ 2) ໂດຍມີພາກສ່ວນ ກ່ຽວຂ້ອງເຂົ້າຮ່ວມວ່າ: ກ່ອນອື່ນຄະນະພັກ-ຄະນະບັນຊາຕ້ອງເອົາໃຈໃສ່ສຶກສາອົບຮົມທັດສະນະແນວຄິດ, ຄວາມ ຮັບຮູ້ເຂົ້າ ໃຈຕໍ່ວຽກງານຮັກສາຄວາມປອດໄພ, ວຽກງານປ້ອງກັນຄວາມສະຫງົບ, ພະນັກງານທີ່ເຮັດວຽກງານ ຕົວຈິງຕ້ອງຈຳແນກ ໃຫ້ເຫັນອັນຜິດ, ອັນຖືກ, ມິດ-ສັດຕູໃຫ້ຈະແຈ້ງ ແລະ ເພີ່ມຄວາມຮັບຜິດຊອບໃນການປະຕິ ບັດໜ້າທີ່ຮັກສາຄວາມປອດໄພ ໃຫ້ມີຄຸນນະພາບ, ຕີຖອຍແນວຄິດເອກະຊົນ, ຂີ້ຄ້ານ-ມັກງ່າຍ, ຂາດຄວາມເປັນ ແບບຢ່າງ ເພື່ອຮັກສາພາບພົດ ຂອງກໍາລັງຮັກສາຄວາມປອດໄພໃຫ້ດີໃນຕໍ່ໜ້າ.

ຄຽງຄູ່ກັນນັ້ນ, ຕ້ອງເອົາໃຈໃສ່ຊີ້ນຳ-ບັນຊາກຳລັງຮັກສາຄວາມປອດໄພ ປະຕິບັດໜ້າທີ່ໃຫ້ມີປະສິດທິພາບ, ປະ ສິດທິຜົນ, ເນັ້ນຄຸນນະພາບເປັນຫຼັກ, ຢາກເຮັດໄດ້ຕ້ອງໄດ້ປັບປຸງແບບແຜນການບໍລິຫານ, ບໍລິການໃຫ້ທັນກັບຍຸກ ສະໄໝ, ທັນກັບສະພາບຕົວຈິງ, ເອົາໃຈໃສ່ການຝຶກອົບຮົມວິຊາສະເພາະຮັກສາຄວາມປອດໄພໃຫ້ມີຄວາມຊໍາ ນິຊຳ ນານ, ໜັກແໜ້ນ, ເຂັ້ມແຂງທຸກດ້ານກຽມພ້ອມຮັບໃຊ້ສັງຄົມ, ກໍຄືການບໍລິການໃຫ້ມີຄວາມປອດໄພ 100%; ປັບ ປຸງການບໍລິຫານ-ບໍລິການຂອງກໍາລັງຮັກສາຄວາມປອດໄພ, ຂອງແຕ່ລະວິສາຫະກິດໃຫ້ມີຄວາມຄ່ອງຕົວ, ສ້າງແຮງ ຈູງໃຈໃຫ້ແກ່ລູກຄ້າຕ້ອງຮັບປະກັນໄດ້ 3 ດ້ານຄື:  ຮັບປະກັນທາງດ້ານການເມືອງ ບໍ່ໃຫ້ກະທົບກັບອໍານາດການປົກ ຄອງ, ພໍ່ແມ່ປະຊາຊົນທຸກຄົນ ໃຫ້ເຂົາເຈົ້າ, ປຸກລະດົມເຈົ້າເປັນຫູເປັນຕາປະກອບສ່ວນເຂົ້າໃນການເຄື່ອນ ໄຫວວຽກ ງານຮັກສາຄວາມປອດໄພ; ຮັບປະກັນທາງດ້ານລະບຽບກົດໝາຍໝາຍ ຄວາມວ່າການເຄື່ອນໄຫວວຽກງານຮັກສາ ຄວາມປອດໄພຕ້ອງປະຕິບັດຢ່າງເຄັ່ງຄັດທາງດ້ານຫຼັກການ, ລະບຽບການ, ຮັກສາຄວາມປອດໄພຕາມຫຼັກວິຊາສະ ເພາະທີ່ໄດ້ຜ່ານການ ຝຶກອົບຮົມທີ່ຖືກຕ້ອງຈາກເຈົ້າໜ້າທີ່ທີ່ກ່ຽວຂ້ອງ, ທຸກການເຄື່ອນໄຫວຕ້ອງຢູ່ພາຍໃຕ້ລະບຽບ ກົດໝາຍຂອງລັດ; ຮັບປະກັນທາງດ້ານວິຊາສະເພາະ, ກຳລັງຮັກສາຄວາມປອດໄພທີ່ບໍລິການລູກ ຄ້າຕ້ອງໄດ້ຜ່ານ ການຝຶກອົບຮົມທາງດ້ານວິຊາສະເພາະໃຫ້ມີຄວາມຊໍານິຊຳນານ ສາມາດຮັບປະກັນຄວາມປອດໄພ ໃຫ້ແກ່ລູກຄ້າໄດ້ 100%; ເອົາໃຈໃສ່ຄຸ້ມຄອງ, ຕິດຕາມ, ກວດກາ, ປະເມີນການບໍລິຫານ, ບໍລິການລູກຄ້າໃຫ້ເປັນປົກກະຕິ ໂດຍສະ ເພາະຕໍ່ກັບກໍາລັງຮັກສາຄວາມປອດໄພ ທີ່ໄປປະຕິບັດໜ້າທີ່ແຕ່ລະຈຸດ, ພິເສດແມ່ນຈຸດຫໍ່ຼແຫຼມ, ຫ່າງໄກ, ໂດດດ່ຽວ ຕ້ອງໃຫ້ມີແຜນຄັກແນ່ ໃນການຈັດຕັ້ງປະຕິ ບັດ ເພື່ອແກ້ໄຂບັນດາບັນຫາທີ່ອາດຈະເກີດຂຶ້ນໃຫ້ທັນເວລາ.

ເລືອກພາສາ:

  |

ດາວໂຫຼດພາສາລາວ

ເພັດຊະຣາດ OT

ຂັ້ນຕອນ Save ພາສາລາວ