Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

      

ໃນວັນທີ 7-8 ມັງກອນ  2021 ກອງບັນຊາການ ປກສ ແຂວງວຽງຈັນ ໄດ້ສະຫຼຸບວຽກ ງານປ້ອງກັນຄວາມ ສະຫງົບປະຈຳປີ 2020 ແລະ ວາງທິດທາງແຜນການປີ 2021, ໂດຍ ທ່ານ ຄໍາພັນ ສິດທິດຳພາ ເຈົ້າແຂວງໆ ວຽງຈັນ, ມີ ພົຈວ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງວຽງຈັນ ເປັນປະທານກອງປະຊຸມ, ມີຄະນະພັກ-ຄະນະບັນຊາກອງບັນຊາການ ແລະ ບັນດາກົມກອງ, ຫ້ອງ ແລະ  ປກສ ເມືອງ ພ້ອມດ້ວຍພະນັກງານ ຫຼັກແຫຼ່ງເຂົ້າຮ່ວມ. ກອງປະ ຊຸມໃຫ້ຮູ້ວ່າ; ໃນປີ 2020 ທົ່ວແຂວງມີຄະດີອາຍາເກີດຂຶ້ນ 1.000 ກວ່າເລື່ອງ ແລະ ສ້າງຄວາມເສຍຫາຍຫຼາຍຕື້ກີບ.

ພົຈວ ປອ ທອງເຄນ ບຸນໝັ້ນ ກ່າວວ່າ: 1 ປີ ຜ່ານມາ ແຂວງວຽງຈັນ ມີຄະດີອາຍາເກີດຂຶ້ນ 1.583 ເລື່ອງ, ກັກຕົວຜູ້ຖືກຫາ 1.601 ຄົນ ຍິງ 240 ຄົນ. ໃນນີ້, ພົ້ນເດັ່ນແມ່ນບັນຫາຢາເສບຕິດ, ລັກຊັບ, ສໍ້ໂກງຊັບ. ສະເລ່ຍ ຜົນເສຍຫາຍເປັນເງິນກີບ 9.601.978.000 ກີບ, ເງິນ ໂດລາ 3.662 ໂດລາ, ເງິນບາດ 7.853.770 ບາດ ແລະ ອຸປະກອນເຄື່ອງໃຊ້ອື່ນໆອີກຈໍານວນໜຶ່ງ, ສາມາດມ້າງຄະດີຢາເສບຕິດໄດ້ທັງໝົດ 581 ເລື່ອງ, ຜູ້ຖືກຫາ 638 ຄົນ ຍິງ 95 ຄົນ, ຄົນ ຕ່າງປະເທດ 6 ຄົນ ຂອງກາງປະເພດຢາບ້າ 1.111.331 ເມັດ, ຢາໄອສ໌ 317 ກິໂລກຼາມ, ຢາເຄ 175,7 ກຼາມ, ຜົງຂາວ 1 ຖົງ ນ້ອຍ, ເຮໂຣອິນ 800 ກຼາມ, ເງິນກີບ 182.244.000 ກີບ, ເງິນບາດ 66.790 ບາດ, ເງິນໂດລາ  1.061 ໂດລາ, ລົດໃຫຍ່ 13 ຄັນ, ລົດຈັກ 115 ຄັນ, ມີດ-ງ້າວ 26 ດວງ ແລະ ໂທລະສັບ 251 ເຄື່ອງ, ມີອຸປະຕິເຫດເກີດຂຶ້ນ ທັງໝົດ 606 ຄັ້ງ, ພາຫະນະເປ່ເພເລັກໜ້ອຍ 556 ຄັນ, ເປ່ເພສົມຄວນ 398 ຄັນ, ໃຊ້ ການບໍ່ໄດ້ 8 ຄັນ, ຄົນໄດ້ຮັບບາດເຈັບເລັກໜ້ອຍ 440 ຄົນ ຍິງ 126 ຄົນ, ເຈັບສົມຄວນ 255 ຄົນ ຍິງ 67 ຄົນ, ສາຫັດ 76 ຄົນ ຍິງ 11 ຄົນ ແລະ ເສຍຊີວິດ 58 ຄົນ ຍິງ 17 ຄົນ, ມູນຄ່າເສຍຫາຍທັງໝົດ 5.268.600.000 ກີບ, ມີອັກ ຄີໄພເກີດຂຶ້ນ 15 ຄັ້ງ ປະເມີນມູນຄ່າຜົນເສຍຫາຍ 1 ຕື້ກວ່າກີບ, ກວດກາການເຂົ້າ-ອອກ 2 ດ່ານຊາຍແດນ, ມີຄົນລາວແຈ້ງ ເຂົ້າ-ອອກດ່ານ ທັງໝົດ 13. 540 ຄົນ ຍິງ 7.552 ຄົນ, ຄົນໄທ ແຈ້ງເຂົ້າ-ອອກດ່ານ 1.206 ຄົນ ຍິງ 556 ຄົນ, ລົດລາວຂົນສົ່ງສິນຄ້າເຂົ້າ-ອອກ 407 ຄັນ, ລົດໄທ 15 ຄັນ, ເຮືອລາວ ຜ່ານແດນທັງໜົດ 810 ຖ້ຽວ, ເຮືອໄທ 573 ຖ້ຽວ.

ທິດທາງແຜນການປີ 2021 ຄະນະພັກ-ຄະນະນໍາຈະໄດ້ສືບຕໍ່ຈັດຕັ້ງປະຕິບັດເນື້ອໃນ 4 ຄາດ ໝາຍ, 4 ແຜນ ງານໃຫຍ່ ແລະ ບັນດາໂຄງການຕ່າງໆ ທີ່ກະຊວງ ປ້ອງກັນຄວາມສະຫງົບວາງອອ, ສືບຕໍ່ເພີ່ມທະວີການເຄື່ອນໄຫວ ວຽກງານວິຊາສະເພາະໃຫ້ເຂັ້ມ ແຂງເປັນຕົ້ນການເກັບກໍາຂ່າວ, ປະມວນຂ່າວ, ເກັບກໍາເປົ້າໝາຍ, ຊອກຮູ້ສະກັດກັ້ນ, ເອົາໃຈໃສ່ ຄຸ້ມຄອງດ່ານເຂົ້າ-ອອກເມືອງ, ອັດປ່ອງຂ້າມລອຍໃຫ້ດີ, ເຂົ້າມາທ່ອງທ່ຽວ, ເຂົ້າມາປະກອບອາຊີບ, ລວມທັງການແຕ່ງງານ, ການຂໍເອົາສັນຊາດ ແລະ ຮູບການອື່ນໆ, ຕ້ອງມີການຈັດຕັ້ງ ທີ່ແໜ້ນໜາໃນການຄຸ້ມຄອງ, ມີລະບົບປະຈໍາການກຽມພ້ອມ ເພື່ອແກ້ໄຂ, ລວມທັງການປ້ອງກັນເຮັດໜ້າທີ່ຕາມສໍານັກງານ, ປ້ອງກັນການນໍາພັກ-ລັດ, ການປ້ອງກັນແຂກທັງພາຍໃນ ແລະ ຕ່າງປະເທດທີ່ມາເຮັດວຽກຢູ່ ແຂວງວຽງຈັນ ໃຫ້ມີຄວາມປອດໄພ ເພື່ອ ຮັບປະກັນໃຫ້ພື້ນທີ່ ແຂວງວຽງຈັນມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໃນສັງຄົມ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ